Sichen

Dir kéint och nach folgende gefalen

Elo nach schnell sech fir den ACL Hiecht Klassik 2017 umellen!
Neiegkeeten

Elo nach schnell sech fir den ACL Hiecht Klassik 2017 umellen!

Den Automobilclub Lëtzebuerg invitéiert all seng Memberen dëst Joer un

What the Fakt – Viru 36 Joer kënnt den Album Thriller eraus
Neiegkeeten

What the Fakt – Viru 36 Joer kënnt den Album Thriller eraus

Hie war ee vun der erfollegräichste Museker an Entertainer weltwäit,

Amnesty International kritiséiert Europa wéinst Sklaverei a Libyen
Neiegkeeten

Amnesty International kritiséiert Europa wéinst Sklaverei a Libyen

Haut huet d‘Mënscherechtsorganisatioun Amnesty International (AI) déi europäesch Regierunge beschëllegt, d‘Handlaanger

Konstruktive Gedankenaustausch mat der Bauerenzentral

Konstruktive Gedankenaustausch mat der Bauerenzentral

En Donneschdeg huet de Landwirtschaftsminister Romain Schneider (LSAP) eng Delegatioun vun der Bauerenzentral empfaangen. De ganz konstruktiven Echange huet sech mat de politeschen, nationalen an internationalen, Agrartheme beschäftegt.

De Minister Romain Schneider huet nach emol op d‘Wichtegkeet vun der Landwirtschaft als vollstännege Wirtschaftssecteur am Regierungsprogramm higewisen. Déi modern Landwirtschaft muss op den dräi Piliere vun der Wirtschaft: ekonomesch Liewensfäegkeet, ekologesch a sozial, foussen. Seng éischt Missioun bleift d‘Hierstellung vu Liewensmëttel.

„Mäin Zil ass et d‘Landwirtschaft an senger ganzer Diversitéit, konventionell a biologesch, am Partenariat mat allen Acteure vum Secteur ze stäerken. Et soll och den Image vun der Landwirtschaft proaktiv valoriséiert ginn. Lëtzebuerg stellt héichwäerteg Liewensmëttel hir“, erënnert de Minister, an ënnersträicht, datt d‘Promotioun vun de regionale Produite gestäerkt gëtt.

Eng weider grouss Erausfuerderung ass déi vun der Digitaliséierung vun der Landwirtschaft, an déi sëllechen Opportunitéiten déi mat den neien Technologien anhier ginn. Dank der administrativer Vereinfachung, sollen och d‘Prozedure fir d‘Bauere méi einfach, méi séier a méi performant ginn.

Foto: (v.l.n.r.) éischt Rei: Mme Apolline Hoffmann-Kohl, Här Marc Meiers, Här Romain Schneider (Landwirtschaftsminister), Här Marc Fisch (President vun der Bauerenzentral). Zweet Rei: Här André Loos (Premier Conseiller Landwirtschaftsministère), Här Marc Weyland (Direkter ASTA), Här Jeff Schroeder, Här Christian Wester, Här Charel Kayl, Mme Christiane Kayser, Här Joe Vrehen, Mme Nicole Lafleur, Här Pierre Treinen (Direkter SER) © MA

Ähnlech Sujeten ASTA, Bauerenzentral, Landwirtschaftsministère, Marc Fisch, Romain Schneider, SER
Nächsten Artikel Virrechten Artikel