Sichen

Dir kéint och nach folgende gefalen

Spärung vun der N33 tëscht Esch-Uelzecht a Rëmeleng
International Neiegkeeten

Spärung vun der N33 tëscht Esch-Uelzecht a Rëmeleng

D’Stroossebauverwaltung deelt mat, datt d’N33 tëscht Esch-Uelzecht a Rëmeleng (Potto

Hollerecher Bierger fuerderen ee Park
International Neiegkeeten

Hollerecher Bierger fuerderen ee Park

Méi Gréngs amplaz Beton fir Büro’en De Blo-Gringen Schäfferot vun

Mam Vëlo op d’Schaff – an dobäi flott Präisser gewannen!
International Neiegkeeten

Mam Vëlo op d’Schaff – an dobäi flott Präisser gewannen!

Et gëtt elo déi 12. Editioun vun der traditioneller Aktioun

Géint den Antisemitismus

Emmanuel Macron veruerteelt Schännung vu jiddeschem Kierfecht am Elsass

Géint den Antisemitismus

Um jiddesche Kierfecht zu Westhoffen (Elsass) hu Faschisten eng honnert Griewer geschënnt. Et goufen Hakekräizer an Nazi-Spréch op d‘Grafsteng gesprëtzt. De franséische President Emmanuel Macron huet um Rand vum NATO-Jubiläum zu London, de Virfall schaarf veruerteelt.

An engem Tweet huet den Emmanuel Macron statuéiert: „Antisemitismus ass ee Verbriechen a mir wäerten dëst bekämpfen, zu Westhoffen a wou ëmmer et noutwenneg ass, bis datt eis Verstuerwen a Fridde roue kënnen“. Och den Inneminister Christophe Castaner, huet dësen Akt vu Vandalismus als „Beleidegung vun de republikanesche Wäerter“bezeechent.

AntisemitismusNieft dem Kierfecht vu Westhoffen, soll och dee vu Schaffhouse-sur-Zorn mat ähnleche Graffitie verschandelt gi sinn. Zur Stonn ass d‘Ausmooss vun dëser „Aktioun“ net bekannt. Dofir muss awer festgestallt ginn, datt et grad am Elsass zanter enger Rei Joren ëmmer ëfters zu genee esou Virfäll kënnt. Esou waren am Februar zu Quatzenheim honnerte Griewer verschandelt ginn.

Antisemitismus

De Präfekt vun der Région du Grand Est et du Bas-Rhin, Jean-Luc Marx huet sech gëschter am Nomëtteg op der Plaz selwer e Bild vun der Zerstéierung gemaach an der jiddescher Communautéit säi Soutien verséchert. © Préfecture du Bas-Rhin

Mee den Antisemitismus am Frankräich beschränkt sech net op d‘Elsass. Et ass ee wiesentlech méi grousse Problem wéi dat unhand de Akte vu Vandalismus op de jiddesche Kierfechter erkenntlech ass. Dat huet et och zu Paräis a gréisserem Ëmfang ginn. Wiesentlech – och wann et do duerchaus Verbindunge gëtt – méi Suerge bereeden d‘Iwwergrëff op Persounen.

Antisemitismus

Am Frankräich sinn – offiziellen Zuelen no – Attacken, Iwwergrëff an/oder Beleidegunge géint Judden 2018 ëm 74% geklommen a fir 2019 gesäit et net besser aus. Vir deem entgéintzewierken, huet de franséische President ugekënnegt, datt esou Dote méi haart bestrooft musse ginn. Ëmmer méi Fransouse jiddeschem Glawe ginn un aus Angscht auswanderen ze wëllen.

mat indymedia/sxb

Foto: © Préfecture du Bas-Rhin

Ähnlech Sujeten Antisemitismus, Elsass, Emmanuel Macron, Frankräich, Jean-Luc Marx, Westhoffen
Nächsten Artikel Virrechten Artikel