Sichen

Dir kéint och nach folgende gefalen

Brauch et e Paradigmewiessel am Logement?
Neiegkeeten

Brauch et e Paradigmewiessel am Logement?

D‘Oppositioun gëtt es sech net midd der Regierung virzewerfen, si

D’CFL-Chantieren fir dat zweet Hallefjoer 2020 sti fest
Neiegkeeten

D’CFL-Chantieren fir dat zweet Hallefjoer 2020 sti fest

Wëll et duerch d’Moossnamen zur Andämmung vun der Pandemie zu

moneysurprise
Et ass Autofestival… an dir wëllt aus Ëmweltgrënn ären Diesel ofginn
Neiegkeeten

Et ass Autofestival… an dir wëllt aus Ëmweltgrënn ären Diesel ofginn

Op „Marsch fir de Klima“ oder „Youth 4 Climate“, an

OPGEPASST! Versichte Bedruch an der Gemeng Käerjeng!

OPGEPASST! Versichte Bedruch an der Gemeng Käerjeng!

De Kolléisch vum Buergermeeschter a Schäfferot vun der Gemeng Käerjeng informéiert d‘Affer vum Tornado (9. August 2019), datt zanter ee puer Deeg frauduléis Dokumenter am Ëmlaf sinn. Gitt wann ech gelift net drop an a fëllt se virun allem net aus.

Wéi et heescht, sinn 2 Dammen an der Gemeng ënnerwee, déi e Froebou verdeelen. Si schwätze lëtzebuergesch an mat den Dokumenter déi si den Affer vum Tornado ënnerjubele wëllen, geet et hinnen anscheinend drëms Informatiounen zu de Schied ze erhalen, wéi och drëms gewuer ze ginn, wéi d‘Done benotzt goufen.

An dësem Kontext weist de Kolléisch vum Buergermeeschter a Schäfferot explizit drop hinn, datt et sech heibäi net ëm offiziell Dokumenter handelt, an d‘Gemeng och esou eng „Ëmfro“ net an Optrag ginn huet. Et sollt een wierklech net op dëse Questionnaire äntweren, an schon guer keng Date mat dëse Persounen deelen.

Käerjeng

Dat ass de Questionnaire, loosst wann ech gelift d‘Fangeren dovunner an informéiert är Noperen, déi et eventuell net sollte matkritt hunn.

D‘Gemeng weist dann och nach drop hinn, datt an den nächsten Deeg, en offiziellt Dokument un d‘Awunner vu Käerjeng verdeelt gëtt, an deem all déi noutwenneg Informatiounen enthale sinn, déi sech op d‘Prozedure bezéien, fir eng eventuell finanziell Hëllef ze kréien. Dës Ënnerlage sinn och entspriechend gekennzeechent.

Also nach emol: et sinn droleg Gesellinnen um Tour, a wat si am Gepäck bedeit näischt Gutts. Wann dir betraff sidd, an déi Dammen (oder wien och ëmmer) un ärer Dier klappen, wann ech gelift net de Questionnaire ausfëllen. Schéckt se fort oder rufft d‘Police, mee behaalt är Informatioune fir iech. Déi hu keng gutt Absichten.

Illustratioun: Gerd Altmann / Pixabay

Ähnlech Sujeten Bedruch, Käerjeng, Questionnaire, Tornado
Nächsten Artikel Virrechten Artikel