GEWËNNSPILL 2019: Halloween Night am Ciné Scala!

Iech sollen d’Schudderen ausgoen, d’Hoer zu Bierg stoen an d’Zänn vun Angscht klapperen. Vu Panik leeft et Iech kal de Réck erof, Dir fäert a grujelt Iech virun deem, wat nach komme wäert. Elle Gestalten, donkel Geschichten an een düsteren Owend waart mat der Halloween Night am Ciné Scala zu Dikrech op Iech!

Och zu Lëtzebuerg huet Halloween, als Fest vun den béise Gestalten aus der Ënnerwelt, seng Plaz fonnt. A wéi kéint een dës Traditioun zum Ufank vun der donkeler Joreszäit besser verbréngen, wéi equipéiert mat Popcorn, eppes ze drénken an senger beschter Begleedung? Mat 2 verschiddene Filmer zitt den Dikrecher Ciné Scala Iech a säi Bann a léisst eng grujeleg Stëmmung opkommen!

Gewise gëtt um Owend vun Halloween fir unzefänken den amerikaneschen Horrorfilm Scary Stories To Tell In The Dark (2D, DE, 19:30 Auer). Frësch aus der Maach kënnt d’Grujelgeschicht, no der Virlag vum Alvin Schwartz op de Lëtzebuerger Ecran an erzielt d’Geschicht vun enger Grupp un Teenager, déi an engem verloossenen Haus ee mysteriéist Buch fannen iwwert ee Meedchen, mat ganz besonnesche Fäegkeeten.

Viru geet et mam bluddegen Horrorfilm 47 Metres Down: Uncaged (2D, OV, 22:00 Auer). Wou véier Meedercher beim Tauchen eng antik Ënnerwaasser-Stad entdeckt hunn, konnten si net domat rechnen, an den Territoire vun der déidlechster Hai-Spezies anzedauchen. Elo mussen si ee Wee aus dem klaustrophobesche Labyrinth erausfannen!

Grujelfacteur garantéiert!

Loscht drop – oder besser gesot: Hutt Dir Blutt geleckt? Ënnert all eise Lieser verlouse mir 2 x 2 Tickete fir dës Virstellungen un Halloween (eng Koppel pro Film). Wat Dir dofir maache musst?
Gitt op Facebook Fan vu Moien.lu a vum Ciné Scala. Hannerloosst een Domm erop beim Beitrag an sot eis, wéi ee Film Dir mat wiem wéilt kucke goen.

Ausgeloust gëtt den 30. Oktober um 15:00 Auer. Mir wënsche vill Gléck!

  Konditiounen