Sichen

Dir kéint och nach folgende gefalen

Östlund gewënnt d’Palme d’Or mat Statement géint Political Correctness
Meenung Neiegkeeten

Östlund gewënnt d’Palme d’Or mat Statement géint Political Correctness

De Filmfestival vu Cannes gëtt mat enger riseger Iwwerraschung op

Wéi eng Zukunft fir d‘Spidol „Prinzessin Marie-Astrid“?
Meenung Neiegkeeten

Wéi eng Zukunft fir d‘Spidol „Prinzessin Marie-Astrid“?

D‘Spidol „Prinzessin Marie-Astrid“ zu Nidderkuer ass extreemst Asbest-Belaascht, a soll

En Dag an der Natur – D’Aktivitéite bis den 28. Juni 2020
Meenung Neiegkeeten

En Dag an der Natur – D’Aktivitéite bis den 28. Juni 2020

Vum 1. Abrëll bis zum 31. August 2020 organiséiert natur&ëmwelt mat senge

Grouss Vakanz – an elo?

Grouss Vakanz – an elo?

Déi grouss Vakanz ass un – an ech muss de Kapp driwwer rëselen. No #BleiftDoheem an #SchoulDoheem, steet elo den nächsten #doheem um Programm. Et hänkt mir zum Hals eraus.

Wéi erklären ech mengem Jéngsten, dass d’Joffer elo mat hire Videouriff ophält, hatt huet sech just dru gewinnt. A wéi ënnerhalen ech hatt déi nächst zwee Méint? Ech fäerte ganz mir ginn d’Iddien aus, a wie weess, ewéi et am September an eisem Land ausgesäit – éiweg kënne mir net doheem bleiwen …

Jo, ech kéint mam him an d’Schwämm oder op iwwerfëllte Spillplaze goen. Ma, ech sinn ee vun deenen, déi net vergiess hunn, dass mir a Coronazäite liewen. Ech huelen eis Sécherheet nach ëmmer eescht, och wann d’Sonn gutt schéngt. De Summer ass do, ma dat heescht net, dass mir déi lescht Méint vergiesse sollen.

Déi nei positiv Zuele soe mir, dass dat de richtege Wee ass – et stëmmt, eventuell kënnt eng zweet Well, mä wann dat de Fall ass, si mir eis se selwer siche gaangen. An zwar mat onser Ignoranz. Den Deconfinement an den Appell un Eegeverantwortung si gutt an d’Box gaangen. Eis Gedold a Solidaritéit ass mam gudde Wieder verschwonnen.

Ech gesinn dat allkéiers, wa mir Kommissioune maache ginn – no eisem Familljendag – enger Shoppingtour op Tréier ware mir schockéiert ze gesinn, dass bal keen den Ofstand agehale huet. A Maske waren och wäit a breet keng ze gesinn. Wat leeft falsch? Ass et dann esou schwéier, déi richteg Prioritéiten ze setzen?

Dat froen ech mech och, wann ech de Summerprogramm vu Lëtzebuerg gesinn. Gutt, et muss weidergoen an et ass schued, dass d’Schueberfouer ofgesot ginn ass, mä ass e Riserad wierklech néideg? Mënschemassen a Waardeschlaangen, ass dat de richtege Message? Et vermëttelt e falscht Zeeche vu Sécherheet. Bei wiem läit dann do d’Verantwortung?

Un all Partygänger – rappt Iech nach e bëssen um Rimm, och ech wëll nees liewen! Wéinstens kann dat Klengt spéider soen, dass säin éischt Spillschoulsjoer e besonnescht war. Hoffentlech war ech him eng gutt Joffer!

Opmaacherbild © Joel Overbeck

Ähnlech Sujeten #bleiftdoheem, Corona, Covid-19, Grouss Vakanz, Homeschooling, Kanner, Pandemie, Schoul doheem, Schoulvakanz, Summer, Summervakanz
Nächsten Artikel Virrechten Artikel