Sichen

Dir kéint och nach folgende gefalen

Saudi-Arabien Deal: „wichtegste Waffenhandel an der amerikanescher Geschicht“
Neiegkeeten WTF

Saudi-Arabien Deal: „wichtegste Waffenhandel an der amerikanescher Geschicht“

Et war ee kinneklechen Empfang deen dem Donald Trump op

Hong Kong Protest féiert zum diplomatesche Sträit
Neiegkeeten WTF

Hong Kong Protest féiert zum diplomatesche Sträit

No den heftegen Ausenanersetzunge bei der polytechnescher Universitéit zu Hong

Frankräich: Ee Joer Protest an et ass net besser ginn
Neiegkeeten WTF

Frankräich: Ee Joer Protest an et ass net besser ginn

Wann de Schwong eppes verluer gaangen ass, esou sinn d‘Grief

surprise

Hëlleft den Tram eiser CO2 Bilanz?

Hëlleft den Tram eiser CO2 Bilanz?

Den Tram bleift am Gespréich: Am Dezember gëtt den éischten Deel vun der Linn Erëffnung. Ma wéi vill Co2-Emissioune goufen duerch den Tram produzéiert? A wéi laang brauch e, fir dës erëm eran ze bréngen?

Et sinn dës Froen, déi den adr-Deputéierten Gast Gibéryen un den Infrastrukturminister François Bausch (déi gréng) stellt. D’Äntwert bréngt e puer ganz interessant Zuele mat sech. Mee di wichtegst fir d’éischt: a senger éischter Form braucht den Tram 6,2 Joer, fir datt d’CO2 Bilanz ausgeglach ass.

Vill Bauen heescht vill CO2

Wéi kënnt dee ganzen CO2 zesummen? Do wier fir d’éischt d’Konstruktioun vum Centre de Remisage et de Maintenance (September 2015) an d’Konstruktioun vun der éischter Linn vum Circuit vun der Foire bis bei déi Rout Bréck ze bedenken. Da kënnt nach d’Linn bis bei d’Place de L’Etoile dobäi, déi bekanntlech am Hierscht 2018 opgoe soll.

Déi éischt Linn huet eng Streck vu 5,5 Kilometer. 57.800 Kubikmeter Bëtong an 3.810 Tonnen Stol waren dofir noutwenneg. Domadder kënnt de Projet op 20.951 Tonnen CO2, fir d’Produktioun a Liwwerung vum Bëtong a vum Stol.

D’Erweiderung vun der Linnen géif nach emol 18.725 Tonne CO2 generéieren, ma do rentabiliséiert et sech wiesentlech méi schnell: Deen Ament wier et schonn no zéng Méint ausgeglach. De Grond: Eng länger streck bréngt méi Passagéier mat sech. Do gi mat 110.000 Passagéier den Dag gerechent.

Kleng Notiz nach: Positiv wierkt sech op alle Fall d’Notzung vu grénger Energie beim bedreiwe vum Netz op des Bilanz aus.

Ähnlech Sujeten CO2, Ëffentlechen Transport, Ëmwelt, François Bausch, Gast Gibéryen, Lëtzebuerg, Tram, Transport
Nächsten Artikel Virrechten Artikel