Sichen

Dir kéint och nach folgende gefalen

money
De Gewënn bleift, mee d‘Leit verbrénge manner Zäit op Facebook
International Neiegkeeten

De Gewënn bleift, mee d‘Leit verbrénge manner Zäit op Facebook

Facebook ass finanziell betruecht nach ëmmer a Form, mee seng

Cannabis: Franséisch Assemblée stëmmt d‘Schafung vun enger „Forfait-Amende“
International Neiegkeeten

Cannabis: Franséisch Assemblée stëmmt d‘Schafung vun enger „Forfait-Amende“

E Freideg an der Nuecht, huet déi franséisch national Assemblée

dislike
De Puidgemont an Däitschland verhaft, Gewaltausbréch a Katalounien
International Neiegkeeten

De Puidgemont an Däitschland verhaft, Gewaltausbréch a Katalounien

De fréiere President vun der autonomer spuenescher Provënz Katalounien, Carles

Historeschen Trounwiessel a Japan

Fir d‘éischt an 2 Joerhonnerten dankt e japanesche Keeser of

Historeschen Trounwiessel a Japan

Dat huet esou a Japan zanter Éiwegkeeten net méi ginn: de Keeser Akihito dankt of an iwwergëtt d‘Amt un säi Bouf Nahurito weider. Mat dësem Trounwiessel befënnt sech Japan nees am Joer 1. Mat engem neie Keeser kënnt och eng nei Devise: „Reiwa“. Esou wéi et erkläert ginn ass, géif dat esouvill bedeite wéi „schéin Harmonie“.

En interessante Fakt, dee sech op den neien 59 järege Keeser bezitt: eigentlech bereeden sech an deem Alter d‘Japaner op d‘Pensioun vir, den Nahurito fänkt elo emol un… De neie japanesche Keeser war vu sengen Elteren erzu ginn, a huet als éischte Member vun der keeserlecher Famill am Ausland studéiert. An datt säi Wee e ganz anere wéi dee vu senge Virfahren ass, war him bewosst.

Zu senger Kandheet a Jugend hat den Nahurito eng kéier gesot, datt hie sengen Eltere fir alles wat si him ginn hunn, dankbar ass. Et wier e grousst Gléck gewiescht, a Léift opgewuess ze sinn an am Ausland studéieren ze dierfen… Den neie Keeser ass zudeem e Mënsch „vun der éischter Stonn“ an et soll schonn emol virkommen, datt ee him Moies beim Joggen am Palais begéint.

Déi traureg Prinzessin

Weider ass gewosst datt den Nahurito ausser sportlech och musikalesch ass an sech fir d‘Ëmwelt staark mécht. Ganz „onbekannt“ dogéint, dem Nahurito seng Fra Masako. D‘Keeserin, Duechter vun engem héije Beamten, hat sech laang Bedenkzäit gelooss, 1993 dann awer d‘Verlobung mam Prënz gefeiert. Si sollt vun de Japaner séier als „déi traureg Prinzessin“ bezeechent ginn.

Trounwiessel

Et ass bekannt, datt déi fréier Diplomatin mat gudde Kenntnisser a Friemsproochen, depressiv ass an vun ëffentlechen Optrëtter Ofstand hëlt. Och den Drock fir e männlechen Trounfolger ze suerge muss dem Masako eng schwéier laascht gewiescht sinn. No enger Feelgebuert, huet d‘Masako „nëmmen“ e Meedchen, d‘Prinzessin Aiko op d‘Welt bruecht. Gehollef huet et der Fra net…

Den offiziellen Trounwiessel ass fir den Hiecht geplangt. Dann dierft sech déi ganz Welt op der Insel afannen. Ganz Japan ass elo schonn am „Féiwer“, an et dierft kee ginn, dee sech d‘Zeremonie wäert entgoe loossen. Zur Traditioun gehéiert, datt de Papp dem Bouf d‘Insigne vun der Muecht iwwergëtt: e Schwäert, e Spigel an eng Glécksketten. Déi sinn allerdéngs a Këschten agepaakt…

mat indymedia/tyo/nrt

Ähnlech Sujeten Akihito, Japan, Masaka, Nahurito, Trounwiessel
Nächsten Artikel Virrechten Artikel