Search

You may also like

Den Aarbechtsmaart weider am grénge Beräich
Neiegkeeten

Den Aarbechtsmaart weider am grénge Beräich

Zum 30. September waren op der ADEM 15.893 Leit ageschriwwen

Schluss mat Plastik – d’EU-Parlament plangt een neit Gesetz géint Ee-Wee Plastik
Neiegkeeten

Schluss mat Plastik – d’EU-Parlament plangt een neit Gesetz géint Ee-Wee Plastik

Gëschter huet d’EU-Parlament an enger éischter Liesung een neit Gesetz

Eng Diskussioun, déi sech doutgelaf huet
Neiegkeeten

Eng Diskussioun, déi sech doutgelaf huet

Kaum eng Diskussioun ass esou hëtzeg, wéi déi ëm d’Iwwerliewe

Iechternach: Aktioun „Grouss Botz 2019“ a „World Disco Soup Day“

Jidderee kann e wichtege Bäitrag zum Schutz vun der Natur an der Ëmwelt leeschten

Iechternach: Aktioun „Grouss Botz 2019“ a „World Disco Soup Day“

D‘Aktioun „Grouss Botz 2019“ gëtt organiséiert vun der Stad Iechternach an Zesummenaarbecht mat der Administratioun vun der Natur an de Bëscher, esou wéi der Asbl „Asazzenter Iechternach“. Heizou ass dann och all Mënsch häerzlech agelueden, woubäi et duer geet sech dem Wieder entspriechend ze kleeden, fir de Recht ass virgesuergt.

Iechternach

Fir Eltere mat „klenge Butzen“ déi wëlle matmaache geet eng „Bëschcrèche“ ageriicht. Hei dierften d‘Krapperten an d‘Knetzele vu kompetentem Personal encadréiert ginn, esou datt déi sech och net langweilen. Wéi e gesäit ass säitens der Organisatioun un alles geduecht ginn, an eigentlech misst d‘Aktioun géint der Mëtteg erfollegräich ofgeschloss ginn. Ëmmerhin ass dann Zäit fir den Apero.

Wéini? De 27. Abrëll um 9 Auer

Wou? Beim „Naturhaous“ um Séi zu Iechternach

Den Nomëtteg geet et dann eppes méi kulturell weider. Ab 12 Auer gëtt beim „Naturhaous“ um Séi de „World Disco Soup Day“ zelebréiert. Dëse gëtt vu „Slow Food Youth Luxembourg“ an enker Zesummenaarbecht mam Klimateam Iechternach organiséiert. Et ass den éischten Event senger Aart, deen op Initiativ vum „Slow Food Network“ an d‘Liewe geruff ginn ass.

Iechternach

De Mouvement „Slow Food Youth Luxembourg“ gëtt ze bedenken, datt et nach vill Géigenden op der Welt gëtt, an deenen d‘Mënschen un Ënnerernierung leiden a stierwen. Wa gewosst ass, datt all Dag 1,3 Milliounen Tonne Liewensmëttel an d‘ Dreckskëscht ginn, musse Moossnamen ergraff ginn. Dofir maacht mat a schlot iech de Bauch voll, amplaz d‘Poubellen ze fëllen.

Wat d‘Aktioun betrëfft, esou huet si hir Originnen zu Berlin, wou viru fënnef Joer mat enger „Schnippeldisko“ géint d‘Verschwendung vu Liewensmëttel protestéiert ginn ass. Um éischten Event haten sech gutt 8.000 Leit bedeelegt. Den aktuelle System fërdert d‘Verschwendung an deem wëll sech d‘Community „Slow Food“ entgéintstellen.

Related topics Asazzenter Iechternach Asbl, Grouss Botz 2019, Iechternach, Klimateam Iechternach, World Disco Soup Day
Next post Previous post