Search

You may also like

Schéisserei zu Pensacola: 3 Doudeger
Neiegkeeten

Schéisserei zu Pensacola: 3 Doudeger

E Saudiarabeschen Zaldot huet op der Militärbasis vu Pensacola (Florida)

Chantier um Echangeur Stroossen bis den 8. Mee 2020
Neiegkeeten

Chantier um Echangeur Stroossen bis den 8. Mee 2020

Am Kader vm Reamenagement vum Echangeur Stroossen wäert et vum

Speedmarathon 2019: 1200 Automobilisten ze schnell!
Neiegkeeten

Speedmarathon 2019: 1200 Automobilisten ze schnell!

Et war schonn déi 5. Editioun vum Speedmarathon, bei deem

An de Spideeler sinn se haut eppes „pickeg“

An de Spideeler sinn se haut eppes „pickeg“

Zanter haut de Mueren, ass elo och d‘Impfcampagne an de Spideeler ugelaf. An dräi Haiser ginn d‘Mataarbechter agelueden sech bereet ze halen. Et geet also virun, och wa mir hei am Land nach wäit vun den Zuelen ewech sinn, wéi se vun den israeleschen Autoritéite virgeluecht ginn.

Den Ament gëtt alles am Land vun der Covid19-Pandemie orchestréiert: d‘Beruffsliewen an am private Beräich huet dëse Virus zimmlech am Grëff, esouguer dann, wann een net dru gleeft oder versicht et ze ignoréieren. Wärend déi eng eppes vu Mikrochippen am Vaccin braddelen, oder einfach generell dergéint sinn, well si d‘Pharmakonzerner net wëlle „fidderen“, gëtt et nach där Mënschen, déi net nëmme verstanen hunn datt vill Argumenter „Quatsch“ sinn, mee sech bewosst sinn, dat laangfristeg wierklech nëmmen Normalitéit opkomme kann, wa mir geimpft sinn.

Aktuell kann awer nëmmen esou séier geimpft ginn, wéi de Vaccin disponibel ass, firwat et dann och enger Strategie bedierf, déi natierlech mat gewësse Prioritéiten ze kämpfen huet. Mee et kënnt ee virun, an nodeems an der Victor Hugo Hal um Lampertsbierg, esou wéi och an den eelef Alters- a Fleegeheemer scho „gepickt“ ginn ass, ass haut am CHL, dem HRS an dem CHEM alles wat derzou bereet war geimpft ginn. Muer gëtt dat Ganzt dann an den Haiser vum CHdN widderholl.

Am Spidol um Kierchbierg (HRS) huet d‘Direktioun sech och nach eng Strategie zougeluecht, wat u sech jo och logesch erschéngt, well déi besteet haaptsächlech doranner, datt all dat Personal dat direkte Kontakt mat Covid19-Patienten huet, als éischt seng Impfung erhale muss. Dat betrëfft hei och d‘Urgencen, d‘OP-Ekippen an natierlech d‘Intensivstatioun. Bis Enn Mäerz sollt dann och am HRS dat ganzt Personal geimpft sinn. Uschléissend sollen déi gefäerdet Patiente geimpft ginn, an duerno well een hëllefen, de Rescht vun de Leit am Land de Covid19-Impfstoff ze verofreechen.

Illustratioun: © Isaach Quesada / unsplash

Related topics CHdN, CHEM, CHL, Covid19-Impfung, HRS
Next post Previous post