Sichen

Dir kéint och nach folgende gefalen

Si hunn e bessert Aarbechtsgesetz gestëmmt
Neiegkeeten

Si hunn e bessert Aarbechtsgesetz gestëmmt

Mat 57 Stëmmen dofir an zwou Enthalungen ass dat neit

Endlech eng Partnerschaft tëscht Lëtzebuerg an dem Yad Vashem
Neiegkeeten

Endlech eng Partnerschaft tëscht Lëtzebuerg an dem Yad Vashem

De Minister fir Educatioun, Kanner a Jugend Claude Meisch an

Gréng Luucht: 37 Milliarden Euro als Ënnerstëtzung vum EU-Parlament wärend der Coronakris
Neiegkeeten

Gréng Luucht: 37 Milliarden Euro als Ënnerstëtzung vum EU-Parlament wärend der Coronakris

En Donneschdeg huet d’EU-Parlament sech fir eng Unzuel vun Noutfallmoossnamen

Implant Files: E Geschäft op Käschte vun de Patienten

Implant Files: E Geschäft op Käschte vun de Patienten

De Skandal ëm d‘Prüfung an Zertifizéierung vu feelerhaften a liewensgefäerdende Medezinproduite wéi Implantater an Protheesen, wëll déi gréng Fraktioun am Europaparlament mat enger Debatt opschaffen.

Bis zum haidegen Dag gëtt d‘Zouloossung vun dëse medezinesche Produiten oft iwwerhaapt net, oder wann, dann nëmmen onzouräichend gepréift. An der EU gëtt et dann och keen onofhängegt Prüfungsverfahre fir d‘Zouloossung vun esou medezinesche Produiten. Eigentlech ass et éischter esou, datt den Hiersteller, oder kommerziell interesséiert Entreprisen, dat ganz préiwen.

Et geet also bei Implantater an/oder Protheesen alt nees net ëm de Patient oder de Mënsch am allgemengen, mee strikt ëm maximale Profit. Alles ganz legal a mat der Ënnerstëtzung vun der EU-Kommissioun an deenen (eigentlech) dofir zoustännege Kommissären.

D‘Europadeputéiert vun déi gréng, Tilly Metz, kommentéiert: „D‘Industrie vun der ‚medezinescher Technik‘ mécht e Milliounegeschäft op Käschte vun de Patienten an hirer Gesondheet. De Skandal mécht däitlech, datt mir et hei net mat Eenzelfäll ze dinn hunn. De Feeler läit am System“. Dofir verlaangt d‘Tilly Metz vun der EU-Kommissioun en onofhängegt Prüfungsverfahren anzeféieren.

Do solle kloer Standarde fir d‘Maartaféierung vu medezinesche Produiten, wéi Implantater an/oder Protheese festgeluecht ginn. „Dës Produite mussen op hir toxesch Wierkung getest ginn“, betount déi engagéiert Europadeputéiert. Kriibserreegend, oder Stoffer déi soss iergend e Risiko duerstellen hunn a medezinesche Produite wéi Implantater oder Protheesen näischt verluer.

„D‘Patienten hunn e Recht op transparent an onofhängeg Prüfungsverfahren. Ech fuerderen eng vollstänneg Opklärung, a wierklech vun der Industrie onofhängeg Verfahre fir d‘Zouloossung“. Ënnersträicht mat Nodrock d‘Tilly Metz.

Kontext:

D‘Netzwierk vun den investigative Journalisten (ICIJ) huet an enger méintelaanger Recherche opgedeckt, datt feelerhaft medezinesch Produiten déidlech Folge fir de Patient kënnen hunn. Et géifen allerdéngs nëmmen e Brochdeel vun deene Fäll gemellt. D‘EU-Parlament hat schonn a senger Resolutioun, nom Skandal mat de Broschtimplantater vum franséischen Hiersteller „Poly Implant Prothese“ am Juni 2013 en onofhängegt Prüfungsverfahre fir d‘Zouloossung gefuerdert.

Ähnlech Sujeten déi gréng, EU-Parlament, Implant Files, Implantater, Protheesen, Tilly Metz
Nächsten Artikel Virrechten Artikel