Sichen

Dir kéint och nach folgende gefalen

En Dag an der Natur – D’Aktivitéite bis den 28. Juni 2020
Neiegkeeten

En Dag an der Natur – D’Aktivitéite bis den 28. Juni 2020

Vum 1. Abrëll bis zum 31. August 2020 organiséiert natur&ëmwelt mat senge

EU-Sommet geréit wéinst Migratiounskris an eng Sakgaass
Neiegkeeten

EU-Sommet geréit wéinst Migratiounskris an eng Sakgaass

Zu Bréissel war d‘Stëmmung um Donneschdeg eppes méi gereizt wéi

surprise
Fräi Tribün: Cannabis – E Kaddo fir déi Jonk?
Neiegkeeten

Fräi Tribün: Cannabis – E Kaddo fir déi Jonk?

Et steet ausser Fro, datt déi geplangte Legaliséierung vum Cannabis

Den neie Service „Infoline Maladies Rares Luxembourg“

Den neie Service „Infoline Maladies Rares Luxembourg“

Am Kader vum éischten nationale Plang zu de seelene Krankheeten huet de Gesondheetsministère mat „Infoline Maladies Rares Luxembourg“ eng éischt Plattform fir de Support, Informatiounen a Consultatioune fir betraffe Persounen, hiert Ëmfeld a Professioneller aus der Gesondheet erausbruecht.

De Service „Infoline Maladies Rares Luxembourg“ gëtt erméiglecht duerch d’Kollaboratioun mam ALAN – Maladies Rares Luxembourg. D’Asbl proposéiert scho säit Jore verschidde Servicer, duerch déi psychologesch Conseilen, sou wéi sozial an administrativ Ënnerstëtzung fir concernéiert Persoune gebuede ginn. D’Missioun gouf hinne vun der Gesondheetsdirektioun zougedeelt.

Mat der Infoline gi folgend Beräicher offréiert:

  • Den Accès op d’Informatiounen zu de seelene Krankheete fir Patienten, hiert Ëmfeld a Professioneller aus der Gesondheet vereinfachen
  • Konkret informéieren a beroden zu de verfügbare Ressourcen an/oder Demarchen
  • D’Orientatioun zu kompetenten nationale Servicer verbesseren
  • Eng speziell Plaz, wou een oppent Ouer gebuede gëtt
  • D’Besoine vun de Persoune mat seelene Krankheeten identifizéieren

D’Infoline kann ee via Telefon iwwert den 2021-2022 erreechen oder och per E-Mail (infolineMR@alan.lu). De Service garantéiert eng Äntwert ënnerhalb vu 5 Schaffdeeg. Op ass Méindes vu 14 bis 17 Auer, Dënschdes vun 12 bis 15 Auer, Mëttwochs vun 9 bis 12 Auer, Donneschdes vun 12 bis 15 Auer a Freides vun 9 bis 12 Auer.

De Service gesäit KENG Begleedung vu Persoune vir a mécht och KEEN Diagnostik. Vill méi geet et ëm d’Orientatioun, sou datt een eng adequat Behandlung fënnt.

Infoline Maladies Rares Luxembourg

Wat ass eng seele Krankheet?

Fir datt eng Krankheet als seelen agestuuft gëtt, musse laut europäescher Definitioun manner, wéi 2.000 Fäll bekannt sinn. Bis elo sinn tëscht 6.000 a 7.000 verschidde Krankheeten als rar agestuuft, woubäi d’Zuel weiderhin an d’Luucht geet. Nei Technologien, genetesch Analysen, biochemesch Tester an Diagnostike gëtt d’Feststellung ëmmer méi einfach erméiglecht. An de meeschte Fäll schwätzt ee vu seelene Krankheeten, wëll nach keng effikass Behandlung existéiert.

Wéi gesäit et an Europa an zu Lëtzebuerg aus?

Ganzer 30 Milliounen Europäer leiden ënnert enger seelener Krankheet. Et schätzt een, datt eleng zu Lëtzebuerg 30.000 Persounen touchéiert sinn. Trotz der grousser Diversitéit u Symptomer, weisen sech oft ähnlech Problemer: ee Manktem u Fleeg a passenden Therapien, Schwiregkeete beim Diagnostik, ee Manktem u wëssenschaftleche Kenntnisser, sou wéi psychosozialer Ënnerstëtzung.

Dës Problemer beim Diagnostik an der Behandlung sinn dramatesch wann et ëm d’Gesondheet geet. D’Wëssen, d’Betreiung an d’Ressourcen si limitéiert.

Opmaacherbild: (v.l.n.r.) Francesca Polini, Coordinatrice vum PNMR 2018-2022; Dr Françoise Berthet, stellvertriedend medezinesch an technesch Direkteschvun der Gesondheetsdirektioun; Shirley Feider, Presidentin „ALAN – Maladies Rares Luxembourg“ ; Gwennaëlle Crohin, Chargée de Direction „ALAN – Maladies Rares Luxembourg“ © MSAN

Ähnlech Sujeten ALAN – Maladies Rares Luxembourg, Fleeg, Gesondheet, Infoline, Infoline Maladies Rares Luxembourg, Orientatioun, seele Krankheeten
Nächsten Artikel Virrechten Artikel