Sichen

Dir kéint och nach folgende gefalen

Editorial: De Journalist Deniz Yücel ass „Fräi“
International Kultur Neiegkeeten Sport

Editorial: De Journalist Deniz Yücel ass „Fräi“

Iwwert ee Joer war de Welt-Journalist Deniz Yücel an engem

US-President erpresst Mexiko
International Kultur Neiegkeeten Sport

US-President erpresst Mexiko

De Donald Trump gëtt einfach keng Rou, a schéngt drop

The Punisher mécht et engem net liicht, mee ass awer eng eescht an déif Serie, déi et der Wäert ass
International Kultur Neiegkeeten Sport

The Punisher mécht et engem net liicht, mee ass awer eng eescht an déif Serie, déi et der Wäert ass

Et ass net déi éischte Kéier, datt een sech um

International Box-Gala um 4. Mee – Ab an de Ring!

International Box-Gala um 4. Mee – Ab an de Ring!

Um kommende Samschdeg Owend gitt Dir all op Diddeleng an de Ring invitéiert! Ëmgi vun Energie, Schweess, Kraaft an Schlagfäegkeet ass et un Iech d’Combatteuren unzefeieren. Bei dësem intensiven an usprochsvolle Kampfsport ka just een als Gewënner erausgoen. Sidd also dobäi wann et heescht: Let’s geet ready to rumble!

Um 4. Mee wäerte bei dëser internationaler Box-Gala 4 Profien (Championnat du Monde) an 8 Amateure (Coupe de Luxembourg) géinteneen untrieden. Mat techneschem Kënnen, immenser Konditioun an treffséchere Schléi wäerten d’Fans vum Fauschtkampf gewise kréien, wisou Boxe mëttlerweil zu de populäerste Sportaarten iwwerhaapt gehéiert! Mat dobäi sinn um Samschdeg-Owend ënnert anerem:

  • De Cédric Pâté aus Frankräich – Super Welter
  • Den Thomas Martino aus Italien – Super Welter
  • De Vincent Cailleret aus Lëtzebuerg – Super Welter
  • De Mathieu Gomes aus Lëtzebuerg – Super Moyen

Boxen

Méi wéi just Zerklapps!

Boxen ass een intensive Sport a keng instinktiv Kläpperei! Mat festgeluechte Reegele geet et dorëm, mat gepolsterte Fäischt duerch gezielt Trefferen méiglechst vill Punkten ze kréien. Onerlaabt Schléi féieren direkt zur Disqualifikatioun. Een direkten Ofbroch vum Kampf gëtt et just duerch KO, Opginn oder bei schlëmme Verletzungen (technesche KO).

Den Erléis vun der Gala geet un dat Lëtzebuerger Rout Kräiz. Mat enger Entrée vu 15 € kritt ee soumat net nëmmen ee spannenden Owend mat taktesche Kämpf gebueden, mee et mëscht een an engems och nach eppes Guddes.

Wéini, wat a wou?

Déi internationale Box-Gala fënnt un dësem Samschdegg, de 4. Mee 2019 statt. Den éischte Gong ertéint um 19:00 Auer. D’Entrée kascht, wéi gesot, 15 € an den Erléis geet un d’Rout Kräiz. De Kampf fënnt am Centre Sportif Annexe Alliance zu Diddeleng (Rue Reiteschkopp, 3526 Diddeleng) statt. Mir wënschen vill Spaass an drécken de Sportler d’Daumen!

Boxen

Ähnlech Sujeten Cédric Pâté, Diddeleng, International Box-Gala, Kampfsport, Knock Out, Let's Get Ready To Rumble, Mathieu Gomes, Ring, Thomas Martino, Vincent Cailleret
Nächsten Artikel Virrechten Artikel