Search

You may also like

Covid19: Eng kuerz Iwwersiicht
Kultur Neiegkeeten

Covid19: Eng kuerz Iwwersiicht

D‘Zuele vun den Neiinfektiounen huelen awer weider zou, wann och

D‘Police huet d’Campagne „#CyberScams“ lancéiert
Kultur Neiegkeeten

D‘Police huet d’Campagne „#CyberScams“ lancéiert

Internet, eng Plaz déi vill als „rechtsfräie“ Raum betruechten, ass

Frankräich: Am Wiergegrëff vun der Gewalt
Kultur Neiegkeeten

Frankräich: Am Wiergegrëff vun der Gewalt

Paweesteng géint Tréinegasgranaten, zerstéiert Geschäftsvitrinnen e sëlleche Verletzter an honnerte

Irish Christmas Show: Hymnen an Traditiounen am Artikuss

Eng Steppdanzshow ganz am Stil vun der grénger Insel

Irish Christmas Show: Hymnen an Traditiounen am Artikuss

All Land huet seng eegen Aart a Weis fir déi wanterlech Feierdeeg ze feieren. Och Irland ass do keng Ausnam a fir hirem oppene, feierlëschtege Gefill méi no ze kommen, invitéiert den Artikuss Iech fir e Samschdeg, de 7. Dezember 2019 zesumme mat den Danceperados of Ireland an hirer Irish Christmas Show der Traditioun vun der grénger Insel méi no ze kommen.

Dobäi huelen d’Dänzer eis mat an eng Zäit virun der Kommerzialiséierung vum Chrëschtfest an dem iwwerall presente Kleeschen. Ural Hymnen a gälescher Sprooch, déi zum Enn vum Joer hin gesonge ginn, wäerten och bei der Irish Christmas Show erkléngen.

Irish Christmas Show

© Gregor Eisenhuth

Dobäi komme verschidde Lidder an englescher Sprooch, déi och als Carols bezeechent ginn. Ënnert anerem Wexford Carol ass hei weltbekannt. Donieft gi sougenannt Jigs & Reels gespillt, déi och mat festlechen Nimm, wéi Christmas Eve punkte kënne. Danzen a sange steet an enker Verbindung.

Wéi, wat a wou?

D’Danceperados of Ireland trieden de 7. Dezember 2019 um 19 Auer mat hirer Irish Christmas Show am Artikuss zu Zolwer op. D’Ticketen kaschten regulär 35 €, fir Studenten 26 € a Gruppen (> 10 Persounen) bezuelen 29 € op de Kapp. Kafe kann ee säi Billjet ënnert www.luxembourgticket.lu oder an der Gemeng Suessem (Tel.: 59 30 75-1).

Opmaacherbild: © Gregor Eisenhuth

Related topics Artikuss, Chrëschtdag, Danceperados of Ireland, Danz, Irish Christmas Show, Show, Steppdanz, Traditioun, Zolwer
Next post Previous post