Sichen

Dir kéint och nach folgende gefalen

D’Police seet: Maacht lues, et gëtt véier nei Radare
Cool Crazy International Neiegkeeten WTF

D’Police seet: Maacht lues, et gëtt véier nei Radare

Wéi et vun der Administratioun vun de Ponts & Chaussées

Eng hallef Millioun US-Dollar fir dem Bob seng Telecaster
Cool Crazy International Neiegkeeten WTF

Eng hallef Millioun US-Dollar fir dem Bob seng Telecaster

Eng vun den emblematesche Gittaren, déi den Iwwergang vum Folk

Robert Mueller setzt Trump ënner Drock
Cool Crazy International Neiegkeeten WTF

Robert Mueller setzt Trump ënner Drock

Wéi amerikanesch Medie beriichten, steet den Donald Trump mëttlerweil an

cooltonguesurprise

Kann Italien vun der EU Verantwortung erzwéngen?

Kann Italien vun der EU Verantwortung erzwéngen?

Nodeems Italien sech weigert e Schëff mat 629 Migranten, déi vum Schëff MS Aquarius aus dem Mëttelmier gefëscht goufen, bei sech an en Hafen eranzeloossen, steet d‘EU géintiwwer der eegener Inkompetenz, an ass elo gezwonge Verantwortung ze iwwerhuelen.

D‘Schëff dat vun der franséischer ONG „SOS-Méditerranée“ beoptraagt ginn ass, Migranten a Séinout opzehuelen, war e Sonndeg och vu Malta ofgewise ginn. Well sech d‘Situatioun u Bord vun der MS Aquarius fir d‘Migrante verschlechtert, huet sech Spuenien e Méindeg bereet erkläert, d‘Schëff mat senger mënschlecher Fracht an en Hafen eranzeloossen.

Fir de Journalist, Laurent Marchand (Ouest-France) stellt „déi italienesch Blockade d‘Fro vun der Migratioun ganz uewen op déi europäesch Agenda“. De Guillaume Goubert (La Croix) mengt: „Et gëtt an der italienescher Attitüd de Wëllen eng Kris auszeléisen, déi d‘EU mat der senger Inkompetenz konfrontéiert“. Woubäi een am Fall vun Italien scho bal vu Noutwier schwätze misst.

D‘Belaaschtung vun der Migratioun méi gerecht opdeelen

„De Migratiounsfloss huet géintiwwer de Joren 2015/16 ofgeholl. Der EU huet et u Courage gefeelt, an deem sech geweigert ginn ass, Quote vir d‘Verdeelung anzeféieren. Dat hätt wuel net all d‘Problemer geléist, mee wéinstens dozou bäigedroen, datt d‘Länner aus dem Süden, an hei besonnesch Italien, Malta a Griicheland, entlaascht gi wieren“, esou de Laurent Bodin (L‘Alsace)

An deem déi italienesch Autoritéiten „mam Läffel an de Bräi fachen“ muss een hinnen zumindest de Verdéngscht zouschreiwen, Europa ze zwéngen esou séier wéi méiglech Léisungen ze fannen, déi „net hallefhäerzeg“ dierfe geholl ginn. Esou de Kommentar vum Patrice Chabanet (Le Journal de la Haute Marne).

Dat huet de Guillaume Goubert ermontert ze schreiwen: „wann de Salvini um Refus festhält d‘Migranten opzehuelen, ass hien deen éischte Schëllegen. Mee et ass d‘EU am ganzen déi d‘Verantwortung muss droen“. A vir de Pascal Coquis (Dernières Nouvelles d‘Alsace) schéngt kloer „déi grouss europäesch Länner déi bis ewell d‘Ae virum Problem verschloss hunn, kënnen net zouloossen datt sech esou Fäll widderhuelen. Elo mussen se ënner Drock verhandelen“.

An de Maurice Bontinck (La Charente Libre) stellt pragmatesch fest: „An dësem ‚Ganzen‘ ass Frankräich de Symbol vun der europäescher Lethargie. Mee vläicht huet den Emmanuel Macron jo och nëmmen op de Besuch vum neien italienesche Staatschef Giuseppe Conte gewaart, deen e Freideg am Elysée empfaange gëtt, fir sech zur Saach auszedrécken“.

mat AFP

Foto: Op der MS Aquarius fänkt et u kritesch ze ginn. Laut der ONG „SOS-Méditerranée“ kann d‘Schëff, datt sech nach ëmmer tëscht Malta a Sizilien ophält, nach beschtefalls een Dag „halen“ iert et zu Komplikatioune kënnt. Spuenien huet ugebueden d‘Leit opzehuelen, mee de Wee fir d‘Schëff wier ze wäit, huet de Kapitän vun der MS Aquarius matgedeelt. © Louisa Gouliamaki/AFP

Ähnlech Sujeten EU, Italien, Malta, Migranten, MS Aquarius, SOS-Méditerranée
Nächsten Artikel Virrechten Artikel

Deng Reaktioun op dësen Artikel?

  • LOL

    0

  • Cool

    15

  • Fail

    3

  • Cry

    2

  • Angry

    2

  • WTF

    6

  • Crazy

    4

  • Love

    0