Search

You may also like

Grousse Bëschbrand um Stauséi – 150 Pompjeeën am Asaz
International Neiegkeeten

Grousse Bëschbrand um Stauséi – 150 Pompjeeën am Asaz

Am spéiden Nomëtteg gounge beim 112 direkt e puer Appeller

Covid19-Mutantefamill empfänkt neie Member
International Neiegkeeten

Covid19-Mutantefamill empfänkt neie Member

Covid19 „Klassik“ ass out. Eng Natioun déi eppes op sech

Gréng Luucht: 37 Milliarden Euro als Ënnerstëtzung vum EU-Parlament wärend der Coronakris
International Neiegkeeten

Gréng Luucht: 37 Milliarden Euro als Ënnerstëtzung vum EU-Parlament wärend der Coronakris

En Donneschdeg huet d’EU-Parlament sech fir eng Unzuel vun Noutfallmoossnamen

Jemen: eng Senatrice erhieft schwéier Virwërf géint den US-Ausseminister

Jemen: eng Senatrice erhieft schwéier Virwërf géint den US-Ausseminister

En Donneschdeg huet eng demokratesch Senatrice den US-Ausseminister, Mike Pompeo, beschëllegt d‘Gesetz gebrach ze hunn, an deem hien zertifiéiert huet, datt Saudiarabien „manifest Mesuren“ geholl huet, fir d‘Liewe vun den Zivilisten am Jemen ze verschounen.

De Mike Pompeo hat dës „Zertifikatioun“ déi lescht Woch ausgestallt, am Bezuch op d‘Roll déi Saudiarabien an déi Vereenegt Arabesch Emirater, verbonnen an der Koalitioun, déi säit 2015 militäresch am Jemen, géint déi vum Iran ënnerstëtzten Houthi-Rebelle virginn.

E Gesetz imposéiert der Administratioun esou eng Zertifikatioun am Kongress, fir de logistesche Support fir béid arabesch Länner oprecht ze erhalen. D‘Entscheedung vum Mike Pompeo war, kaum dat se bekannt gouf, vun enger Partie Parlamentarier an ONGe kontestéiert ginn.

Den US-Ausseminister huet seng Zertifikatioun nëmme knapps e Mount, nodeems eng Loftattack vun der Koalitioun, fir 40 Kanner déidlech verlaf ass. En engem UN-Bericht Enn August, sinn der saudescher Koalitioun Krichsverbriechen nogesot ginn. Dat hat Ryad direkt zréckgewisen.

Net Vertrauenswierdeg

A sengem Bericht un der Kongress, hat de Mike Pompeo dann och net bestridden, datt et duerch d‘Operatioune vun der Koalitioun, ënnert der Leedung vu Saudiarabien, e vill ze héije Verloscht ënnert der Zivilbevëlkerung gëtt.

De Wall Street Journal huet um Donneschdeg, op der Basis vun engem vertraulechen interne Memo an engem Artikel drop higewisen, dat verschidde Servicer vum Ausseministère, dem Mike Pompeo ofgeroden haten, déi „gutt Féierung“ vu Saudiarabien ze zertifiéieren.

Hien hätt jo dës Zertifikatioun net missen ausstellen, an sech awer op d‘Bäibehale vum logistesche Support fir d‘Koalitioun am Jemen behaapte kënnen. Dofir hätt den US-Ausseminister nëmme bréichten unzeféieren, datt d‘Beliwwere mat Waffen, aus nationale Sécherheetsinteresse geschitt.

D‘Oppositioun hat opgepasst

„Et ass kloer, datt dës Zertifikatioun scho „Bedruch“ war, wéi se ugekënnegt ginn ass, an d‘Informatiounen zu dësem interne Memo bestätegen, datt d‘Administratioun bewosst géint d‘Gesetz verstouss huet“, esou d‘Senatrice Jeanne Shaheen, déi zesumme mat engem republikanesche Parlamentarier dës legislativ Dispositioun ausgeschafft hat.

„Déi blann Loftschléi vun der Koalitioun ënner saudeschem Commandement, kaschte vill zivil Liewen, an elo ass den Zäitpunkt erreecht, wou si fir hir Akte muss riicht stoen“, esou d‘Jeanne Shaheen an engem Communiqué. Si fuerdert vun der Regierung d‘Ausstelle vun enger Zertifikatioun, déi de Fakten um Terrain entsprécht.

mat AFP

Foto: Jemenitesch Kanner hate schonn den 12. August an der Haaptstad Sanaa, géint d‘Ermordung vun 12 Schüler duerch d‘Koalitioun protestéiert. Bei Saada, war e Schoulbus aus der Loft ugegraff ginn. © Mohammed Huwais/AFP

Related topics Houthi, Iran, Jemen, Krichsverbriechen, Mike Pompeo, Saudiarabien
Next post Previous post