Sichen

Dir kéint och nach folgende gefalen

Food a Lifestyle: Blogger zu Lëtzebuerg geéiert
International Neiegkeeten

Food a Lifestyle: Blogger zu Lëtzebuerg geéiert

Mat groussem Opwand hat Mëtt leschter Woch de lëtzebuergesche Food

Wat gutt fir d‘Natur ass, gëtt belount
International Neiegkeeten

Wat gutt fir d‘Natur ass, gëtt belount

D’OIKOPOLIS-Betriber kompenséieren erëm hire CO²-Foussofdrock. D’Grupp spent jeeweils 11.977€ un dräi Veräiner

Gebuertsdag um Haff – Alles Guddes u S.A.R. de Prënz Louis
International Neiegkeeten

Gebuertsdag um Haff – Alles Guddes u S.A.R. de Prënz Louis

Um haitege Méindeg feiert S.A.R. de Prënz Louis säin 34.

Journalismus ass ee geféierleche Job

Journalismus ass ee geféierleche Job

Journaliste liewe geféierlech. An och wann 2019 d‘Zuel vun den ëmbruechte Journaliste réckleefeg ass, esou sinn och dëst Joer mindestens 49 vun hinnen Affer vun engem Gewaltverbrieche ginn. An et gëtt vermeintlech friddlech Länner, déi esou geféierlech wéi Krichsgebidder sinn.

Entspriechend dem Bericht vu Reporter ouni Grenzen (RSF) si säit Joresufank weltwäit 49 vun eise Kollegen ëmbruecht ginn. Wäit iwwert d‘Hallschent dovunner sinn an Afghanistan, Mexiko, Pakistan, Somalia a Syrien ëmbruecht ginn. Aus dem bericht geet wuel och ervir, datt däitlech manner Journalisten a bewaffente Konflikter zu Dout komm sinn, mee Mexiko wier haut genee esou geféierlech wéi Syrien, esou de Virstandsspriecher vu RSF, Michael Rediske.

2018 huet d‘Zuel vun den Affer nach bei 86 geleeën – RSF bezitt sech bei sengen Analysen ëmmer vu Joresufank bis 1. Dezember. 2019 sinn 10 Journalisten a Syrien, 10 a Mexiko, 5 am Afghanistan, 4 a Pakistan an 3 a Somalia verstuerwen. A ganz Latäinamerika si 14 Journalisten ëmbruecht ginn.

Zum 1. Dezember sëtzen 389 Journaliste wéinst hirer Aarbecht am Prisong, dat sinn 12% méi wéi nach 2018. Vun hinne sëtzt bal d‘Hallschent an dräi Länner (China 120; Egypten 34, Saudiarabien 32) hanner Gitter. An Egypten a Saudiarabien iwwregens ouni Uerteel oder Uklo. An der Tierkei sinn zwar vill Journalisten no Haftstrofe fräi komm, mee et sinn och en Rei no kuerzer Zäit nees verhaft ginn. Et heescht am Bericht och, datt de Risiko juristesch belaangt ze ginn nees klëmmt.

Journaliste sinn och deels eng „Wuer“. 57 vun hinne sinn entfouert ginn, dat virun allem a Syrien (30), am Jemen (15) am Irak, mee och an der Ukrain (1). Aus dem RSF-Bericht geet dann och ervir, datt d’Houthi-Rebellen am Jemen an d‘Separatisten am Oste vun der Ukrain hir Geisele wéi Prisonéier behandelen, deenen si schwéier Verbrieche virwerfen an zu héije Strofe veruerteelen.

mat Reporter ouni Grenzen

De vollstännege Bericht an englescher Sprooch

Ähnlech Sujeten Gefor, Journalisten, Journalistin, Pressefräiheet, Reporter ouni Grenze, RSF
Nächsten Artikel Virrechten Artikel