Sichen

Dir kéint och nach folgende gefalen

„Lifelong Learning“: Mat der Salariatskummer kee Problem
Neiegkeeten

„Lifelong Learning“: Mat der Salariatskummer kee Problem

Sech weiderbilden, e liewe laang, dat mécht net nëmme Sënn,

surprise
Eestëmmegkeet beherrscht de Réiser Gemengerot
Neiegkeeten

Eestëmmegkeet beherrscht de Réiser Gemengerot

De Buergermeeschter Tom Jungen (LSAP) konnt um Méindeg, no der

Giel Gileten: elo läit de Ball am Lager vum Macron
Neiegkeeten

Giel Gileten: elo läit de Ball am Lager vum Macron

Nom 2. Akt vun de „giele Gileten“, wou et zu

Keng Kaddoe méi fir de Finanzsecteur

déi Lénk fuerderen: De Kampf géint de Coronavirus muss ënner ëffentlecher Kontroll bleiwen!

Keng Kaddoe méi fir de Finanzsecteur

Nodeems déi Lénk festgestallt hunn, datt déi zweet Etapp vun der Covid19-Testcampagne verschidde privat Firme vergi goufen, fuerderen si, datt de Kampf géint de Coronavirus ënner ëffentlecher Kontroll muss bleiwen.

Déi véier Geschäfter sinn:

  • -Kommunikatioun geet un d’Arendt Business Advisory, Duechtergesellschaft vun de Geschäftsaffekoten Arendt&Medernach (Geschäft vun 2,4 Milliounen Euro)
  • D’Hotline fir Ufroen aus der Bevëlkerung geet un d’Berodungsentreprise PricewaterhouseCoopers (PwC), eng Entreprise aus de „Big Four“ vum Finanzsecteur (Geschäft vun 2,1 Milliounen Euro)
  • D’Projektmanagement ass fir d’ Berodungsentreprise KPMG, alt erëm eng Entreprise aus de „Big Four“ vum Finanzsecteur (Geschäft vun 900.000 Euro)
  • Analyse vun de Large-scale-tracing-Date geet un PwC (Geschäft vu 500.000 Euro)

Domat ass PwC souguer zweemol op der Lëscht vertrueden! Dobäi kënnt dann nach, datt „Laboratoires Réunis“ an d’Militärlogistiker Ecolog alles wat den Terrain ubelaangt dominéieren. (Hei sinn d‘Teststatiounen an d‘Laborënnersichunge gemengt)

Hei gëtt de Gesondheetsministère déi ganz Steierung, Kontroll a Kontakter an d’Hänn vun der privater Wiertschaft – an dësem Fall, sinn et déi grouss Firme vum Lëtzebuerger Finanzsecteur. Do ass d’Fro nawell berechtegt, ob dës Firmen iwwerhaapt qualifizéiert fir dës Aufgab sinn. Oder geet et nëmmen ëm d’Geld?

Dëst ass anscheinend eng Strategie vum Staat, déi nawell zënter Joren ugewannt gëtt. Et ass also kee Problem Kompetenzen, Verantwortungen a finanziell Mëttel aus der ëffentlecher an déi privat Hand ze verlageren.

Verständlech Awänn

Et ass also kee Wonner, datt déi lénk sech iwwert dëst Behuele vun der Lëtzebuergescher opreegen an eng Ännerung fuerderen. De Finanzsecteur däerf eis Awunner net esou kontrolléieren. Freet e sech nach wéi den normale Bierger op dës Neiegkeete reagéiert …

Well et ass ganz kloer, datt de Glanz vun der Glafwierdegkeet an och vum Large-Scale-Testing (LST) ufänkt Rëss ze kréien. déi lénk leenen dës Kaddoen un de Finanzsecteur kategoresch of a fuerderen eng ëffentlech Gesondheetspolitik, wou och Gemengen a sozial Ariichtungen e Wuert matzeschwätzen hunn.

Zesumme kéint een, am Interesse vun eis all, d’Date sammelen a sech der Selbstbestëmmung unhuelen. Ausserdeem kéinte schonn aktiv Acteure gestäerkt ginn.

De Premierminister Xavier Bettel huet eemol behaapt, hie géing wëssen, datt et sech bei der Abezéiung vun dëse Big Four-Vertrieder an d’COVID19-Task Force ëm Gratisbäiträg vun de Firmen handele géif. Dobäi schéngt et éischter als Investitioun geduecht ze sinn.

Do freet e sech, ob d’Entreprisen sech un d’Bedéngunge gehalen hunn, fir dës lukrativ Offeren u Land ze zéien.

Berechtegt Zweiwel

Fir déi aus de Féiss ze schafen, fuerderen déi lénk prinzipiell d‘Verëffentlechung vun der wirtschaftlecher Verbindung vun allen, un der Covid19-Fuerschung an de Covid19-Moossname bedeelegte Persounen.

Amplaz de Big Four d’Täsche voll ze maachen, missten déi Lëtzebuerg Bierger*innen an hirem Handelen ënnerstëtzt gi fir zesumme géint dës Pandemie virzegoen. Déi Milliounen déi ewéi üblech un de Finanzsecteur ginn, wären an dësem Fall besser anzwousch anescht ugeluecht gewiescht.

Illustratioun: © Kira auf der Heide / unsplash

Ähnlech Sujeten déi lénk, Finanzsecteur, Large Scale Testing, Regierung, Staatsoptraag
Nächsten Artikel Virrechten Artikel