Sichen

Dir kéint och nach folgende gefalen

Keng Verschäerfung vun der Maskeflicht
Neiegkeeten

Keng Verschäerfung vun der Maskeflicht

Datt et héich Zäit géif ginn, sech dëser onséileger –

money
BIL an „The Office“ verdéiwe Partnerschaft
Neiegkeeten

BIL an „The Office“ verdéiwe Partnerschaft

Zanter 2017 hunn d‘BIL an „The Office“ esou eppes wéi

Weess du, wéi eng Uertschafte sech hannert dëse franséische Nimm verstoppen?
Neiegkeeten

Weess du, wéi eng Uertschafte sech hannert dëse franséische Nimm verstoppen?

Et ass gewosst, datt eis Uertschaften souwuel e Lëtzebuergeschen Numm

Kampf géint den Drogenhandel

D‘Police huet fënnef Bande vun Drogendealer gepëtzt a 14 Persoune sëtzen elo zu Schrasseg

Kampf géint den Drogenhandel

De „klengen Dealer“ op der Strooss ze erwëschen ass méi liicht wéi enger ganzer Band de Reedel virleeën. Esou Enquête kënnen sech iwwer Méint hinzéien an sinn dann och entspriechend Personalopwänneg. Am Juli awer konnt eis Police sech direkt fënnef Bande vun Drogendealer gräifen. 14 „presuméiert“ Dealer déi am ganze Land aktiv waren, sëtzen elo hanner Gitter.

Hiert Wuerenassortiment: Heroin, Kokain a Marihuana. Den Handel war rodéiert, an un der Nofro schéngt et dann och net gefeelt ze hunn. Nodeems d‘Police vill Zäit opgewannt hat fir dësem Business, senge Verflechtungen an d‘Roll vun de Verdächtegen ze aktéieren, koum et zu de Verhaftungen. Aus gudde Grënn huet d‘Police keng Detailer zu dësem Virgank matgedeelt.

Et ass awer eng gréisser Meng un Droge séchergestallt ginn an am Kontext vun de Verhaftungen, sinn och Gefierer a Boergeld saiséiert ginn. Et huet ausser zu Lëtzebuerg, och Perquisitiounen an der Belsch an am Frankräich ginn. Well esou eng Operatioun gutt virbereet wëll sinn, ass an dësem Kontext och d‘Sonnereenheet vun der Police mat agebonne ginn. Alles ass beschtens ofgelaf…

Alles an allem si 15 Persoune vun der Police verhaft ginn. Eng Persoun, déi als Kapp vun enger Band bezeechent gëtt, ass bei eise belschen Nopere gutt bekannt, well si do e Reseau opgebaut hat. Dee gouf dann och un déi belsch Police iwwerstallt. Déi aner 14 Brigange sinn no hirer Entrevue mam Untersuchungsriichter zu Schrasseg agewise ginn. D‘Ofrechnung gëtt viru Geriicht gemaach.

Illustratioun: © Matthew T Rader / unsplash

Ähnlech Sujeten Drogen, Drogendealer, Drogenhandel, organiséiert Verbriechen, Police, Schrasseg, Untersuchungsriichter
Nächsten Artikel Virrechten Artikel