Sichen

Dir kéint och nach folgende gefalen

What the Fakt – Den Emblème vu San Francisco gëtt gebaut!
International Neiegkeeten

What the Fakt – Den Emblème vu San Francisco gëtt gebaut!

Et muss wuel een iwwerwältegenden Ubléck sinn, wann een déi

Bei der POST ass nach ëmmer Sand an der Mechanik
International Neiegkeeten

Bei der POST ass nach ëmmer Sand an der Mechanik

Den 29. Abrëll hat de Vizepremier a Wirtschaftsminister Etienne Schneider

surprise
Keng Petitioun huet et haut gepackt, genuch Ënnerschrëften ze sammelen. Mee keng Suerg, et sinn erëm neier do!
International Neiegkeeten

Keng Petitioun huet et haut gepackt, genuch Ënnerschrëften ze sammelen. Mee keng Suerg, et sinn erëm neier do!

Ënnert de Petitiounen, deenen hiren Delai haut ofgelaf ass, schéngt

Kanada: D‘Regierung bedreet Bréifdréier am Streik mat engem Gesetz

Kanada: D‘Regierung bedreet Bréifdréier am Streik mat engem Gesetz

En Dënschdeg, huet déi kanadesch Regierung, d‘Bréifdréier vun der parastaatlecher Entreprise „Postes Canada“ opgefuerdert ganz séier zu engem Accord mat hirem Patron ze kommen. Sollt weiderhin um alternéierte Streik – deen elo e Mount unhält – festgehale ginn, géif e speziellt Gesetz ugeholl ginn, fir d‘Kontestatioun ze beendegen.

E Méindeg hunn d‘Bréifdréier d‘Offer vu „Postes Canada“ refuséiert, mat där et iwwert d‘Feierdeeg zu engem „Waffestëllstand“ sollt kommen. Wéi all Logistik-Entreprise wëll och déi kanadesch Post vum „Saisonhéichpunkt“ profitéieren. Mee elo streiden sech d‘Gewerkschaften a „Postes Canada“ schonn iwwert e Joer, ouni dat een eeschthaft mam Kollektivvertrag viru komm wier.

„Postes Canada“ hat déi lescht Woch eng Propose fir e neie Kollektivvertrag un d‘Gewerkschaft vun de Bréifdréier (STTP) weidergeleet. D‘Bréifdréieschgewerkschaft huet d‘Propose vum Patron als „net zefriddestellend“ zréckgewisen.

Den Haaptaktionär mécht sech an

„Mir encouragéiere béid Säite séier zu engem Ofschloss ze kommen, a mir si bereet e Gesetzprojet ze deponéieren, sollte mir net erkennen, datt et an den nächsten Deeg zu enger Léisung vum Sozialkonflikt kënnt“, warnt déi kanadesch Aarbechtsministesch, Patty Hajdu, an enger op Twitter verëffentlechter Deklaratioun.

Déi liberal Regierung vum Justin Trudeau kéint esou, duerch eng beschleunegt Prozedur, vum Parlament e Gesetz unhuele loossen, mat deem d‘Bréifdréier: engersäits zur Aarbechtsopnam kënne gezwonge ginn, an anersäits, d‘Regierung d‘Aarbechtskonditioune géif bestëmmen. Interessant an dësem Kontext, d‘Rumeur, datt déi kanadesch Regierung net vum selwen op d‘Iddi komm wier.

Esouwäit et gewosst hunn, e sëllechen Enseignen, dorënner de „Ris“ vum Onlinehandel eBay, Drock op Ottawa ausgeüübt, fir déi zur Handlung ze „zwéngen“. Dës „Verkaf-Saison“ ass fir d‘Entreprise aus dem Secteur kruzial. Et muss an dësem Kontext ernimmt ginn, datt „Postes Canada“ gutt 40% vun de Päck am Land ausliwwert. Et gëtt also net vill Alternativen..

Den alternéierte Streik

D‘Bréifdréier vu „Postes Canada“ hunn hire Streik den 22. Oktober ausgeléist. Et ass en alternéierte Streik, dee zu enger zäitweileger Ënnerbriechung vun der Postzoustellung gefouert, an iwwer 200 Dëngschtofbréch verursaacht huet. Esou ënner Drock gesat, huet „Postes Canada“ seng auslännesch Partner gebueden, momentan kee Courrier méi an d‘Land ze schécken.

Vun der kanadescher Bréifdréieschgewerkschaft gëtt ënnert anerem gefuerdert, datt endlech méi Leit agestallt ginn. De Volummen u Päck hätt duerch d‘Explosioun vum Onlinehandel, ëm 30% zougeluecht, an et geet sech erwaart, dat mat der Legaliséierung vum rekreative Cannabis, nach emol vill Liwwerungen derbäi kommen. Dat wier mat der aktueller Personaldecken net ze maachen.

mat AFP

Ähnlech Sujeten Bréifdréier, Gesetzprojet, Kanada, Postes Canada, Streik
Nächsten Artikel Virrechten Artikel