Sichen

Dir kéint och nach folgende gefalen

PISA-Etüd: Lëtzebuerg nëmmen nach bei all zweeter derbäi
Kultur Neiegkeeten

PISA-Etüd: Lëtzebuerg nëmmen nach bei all zweeter derbäi

Wéi aus enger Äntwert op eng parlamentaresch Fro ervirgeet, wéilt

Du kenns dech mat Politik aus? Da weess du bestëmmt iwwert eis Premiere gutt Bescheed!
Kultur Neiegkeeten

Du kenns dech mat Politik aus? Da weess du bestëmmt iwwert eis Premiere gutt Bescheed!

D’Premierministere kënnen sech zu Lëtzebuerg relativ laang halen. Mee et

De Strofvollzuch zu Schraasseg muss hannerfrot ginn
Kultur Neiegkeeten

De Strofvollzuch zu Schraasseg muss hannerfrot ginn

Um Spéide Freideg Owend ware mir informéiert ginn, datt et

Keng Filmstudioen an der Gebuertsstad vum Andy Bausch

Keng Filmstudioen an der Gebuertsstad vum Andy Bausch

Wann sech déi industriell Friche „Neischmelz“ zu Diddeleng, der Gebuertsstad vum bekanntsten Dokumentarfilmer zu Lëtzebuerg, duerchaus fir d‘Implantatioun vun engem Filmstudio gëeegent hätt, esou steet elo fest: d‘Regierung huet dofir net de Goss!

Eng Entscheedung déi dem Diddelenger Buergermeeschter Dan Biancalana (LSAP) net gefält an dat huet hien och am Kontext vun der Gemengerotssëtzung vum 1. Oktober zimlech kloer gesot. Hien huet dann och ganz wéineg Versteesdemech fir dat vun der Regierung virbruechten Argument, datt et wirtschaftlech an ekonomesch Grënn fir dëse Refus gëtt. Dobäi ass de Projet u sech net nei.

Lancéiert gouf de Projet „Filmstudio“ 2005, nodeems d‘Schléissung vun der Walzstrooss endgülteg beschloss war. 2006 huet d‘Regierung de Fonds de Logement designéiert gi fir de Site Neischmelz ze entwéckelen. Hei gouf zudeem festgeluecht, datt dat 40 Hektar grousst zu engem „Eko-Quartier“ soll gemaach ginn, dee CO²-neutral ze gestalten an ze exploitéiere wier. U sech eng gutt Initiativ.

Well sech de Site awer fir weider Projeten ugebueden huet, hat sengerzäit déi Lëtzebuerger Unioun vun der Audiovisuellerproduktioun sech mam Gedanken ausenanergesat, op enger Fläch vu ronn 19.000 M² Filmstudioen anzeriichten. 2009 gouf et dozou en Devis an héicht vu 7,2 Milliounen €. Haut misst een dofir mindestens 20 Milliounen Euro opwannen, an déi sinn net disponibel.

Illustratioun: Klaus Hausmann / Pixabay

Ähnlech Sujeten Andy Bausch, Dan Biancalana, Diddeleng, Filmstudioen, Neischmelz
Nächsten Artikel Virrechten Artikel