Sichen

Dir kéint och nach folgende gefalen

surprise
Ass den ADR an der Mëtt vun der Gesellschaft ukomm?
Fail Meenung

Ass den ADR an der Mëtt vun der Gesellschaft ukomm?

Um Freideg huet déi politesch Wahlkoalitioun vun ADR a Wee

„Écrivains de Frontières“: Iwwert Schrëftsteller a Palestina
Fail Meenung

„Écrivains de Frontières“: Iwwert Schrëftsteller a Palestina

De 14. Januar presentéiert de Circolo Curiel de franséischen Documentaire „Écrivains

Feldbouschéissen: Lëtzebuerger gewënnt iwwerraschend d‘Weltmeeschterschaft
Fail Meenung

Feldbouschéissen: Lëtzebuerger gewënnt iwwerraschend d‘Weltmeeschterschaft

Den neie Weltmeeschter am Compound-Bouschéisse kënnt aus Lëtzebuerg a n

dislike

Kann een d’Wierk vum Kënschtler trennen?

E Kommentar

Kann een d’Wierk vum Kënschtler trennen?

Wien an der Lescht op Netflix no eppes interessantem fir ze kucke gesicht huet, deem ass et bestëmmt opgefall: Eppes huet sech un de Reklamme fir House of Cards geännert. Oder besser gesot, eng gewësse Persoun ass guer net méi an de Reklamme fir dës Serie ze gesinn. Dobäi war et de Kevin Spacey, deen se grouss gemaach huet. An domadder Netflix zu senger dominanter Positioun verhollef huet.

Et ass eng Reaktioun op de Skandal, deen säit Deeg seng Persoun betrëfft. Him gëtt mëttlerweil vun e puer Persoune virgeworf, sech hinnen opgedrängt ze hunn. Et ass e Nieweschauplatz vun der #metoo-Well an dach weist se, wéi grouss d‘Konsequenze kënne sinn. Well mëttlerweil huet Netflix sech komplett zum Star distanzéiert. Mee wéi sollen d‘Fans mat dëser Situatioun ëmgoen?

Et ass eng al Fro, op déi et vill Äntwerte ginn. Eng korrekt gëtt et net, awer op mannst e puer, déi pragmatesch sinn

Dëst ass eng vun deene grondleeënde Froen, wann et ëm Konscht geet: Wéi wäit soll een d‘Wierk vu sengem Auteur trennen? Sécherlech ass House of Cards, oder och déi vill Filmer an deenen de Kevin Spacey eng wichteg Roll gespillt huet, net op hien ze reduzéieren. Niewend deenen aneren Haaptfiguren sinn och nach ganz vill aner Talenter un esou enger Produktioun bedeelegt. Mee et war ënnert dem Stréch säin Numm, deen dem Projet de Prestige bruecht huet. Mat alle Konsequenzen, déi mer haut hunn.

Dowéinst huet Netflix sech jo och vum Kevin Spacey, an net vun House of Cards getrennt. Fans fuederen, datt de Frank Underwood, dem Kevin Spacey seng Figur, an der nächster Staffel stierwe soll. Et gëtt awer och eng Petitioun, wou d‘Produzenten opgefuerdert ginn, sech einfach en neie Schauspiller fir d‘Roll ze sichen.

Och wann des Léisunge pragmatesch sinn, weisen se dach eng Saach zimlech kloer: D‘Fans kënnen ouni Spacey liewen. Talenter ginn et der genuch. Hoffentlech och onproblematescher.

Foto: Patrick Harbron/Netflix

Ähnlech Sujeten House of Cards, Kevin Spacey, Netflix, Sexuell Gewalt, Sexuell Iwwergrëff
Nächsten Artikel Virrechten Artikel