Sichen

Dir kéint och nach folgende gefalen

Eng Plainte géint zwee Agente vun der CNS wéinst Verontreiung
Meenung Neiegkeeten

Eng Plainte géint zwee Agente vun der CNS wéinst Verontreiung

Déi national Gesondheetskeess (CNS) huet lescht Woch misse feststellen, datt

Zeréck an d’Normalitéit: Zum Verhalen am ëffentlechen Transport
Meenung Neiegkeeten

Zeréck an d’Normalitéit: Zum Verhalen am ëffentlechen Transport

Lëtzebuerg wot éischt Schrëtt zeréck an d’Normalitéit. Ab e Méindeg,

D‘Rout Kräiz iwwerhëlt d’Muselheem a séchert de Fortbestand
Meenung Neiegkeeten

D‘Rout Kräiz iwwerhëlt d’Muselheem a séchert de Fortbestand

Säit dësem Méindeg huet d‘Rout Kräiz d‘Aktivitéite vun der ASBL

Nee! Zum Klimakiller EU-Mercosur

Nee! Zum Klimakiller EU-Mercosur

„Datt méi europäesch Ausseminister, dorënner och de Jean Asselborn, d‘Fräihandelsofkommes EU-Mercosur wéinst de rezenten Amazonas-Bränn op emol kritesch betruechten, ass nëmmen e schäinhellegt Oflenkungsmanöver. Esoubal dës Ëmweltkatastroph aus de Medie verschwonnen ass, gëtt de Vertragsofschloss fortgefouert. An da wäert de rietsextreme brasilianesche President Bolsonaro d‘Ofholzung vum Reebësch esou richteg virundreiwen“.

Am Juni hat d‘EU-Kommissioun d‘Verhandlungsresultat iwwert e Fräihandelsofkommes mat de Mercosur-Staaten (Argentinien, Brasilien, Paraguay an Uruguay) bekannt gemaach: iwwer 90 % vun den Tariflinnen tëscht béide Kontinenter solle liberaliséiert ginn, dorënner ee Groussdeel vun den Agrarprodukter.

D‘Zilsetzung ass kloer: déi südamerikanesch Länner sollen hir Akerflächen op den europäesche Massekonsum ausriichten. Eng exponentiell Steigerung vun den Ubau- a Weidefläche fir: Soja, Ethanol a Rëndsfleesch ass virprogramméiert an domatter och eng beschleunegt Ofholzung vun de leschte Reebëscher. D‘Amazonasgebitt ass awer net nëmme vun zentraler Bedeitung fir de Weltklima, et ass zugläich och d‘Heemecht vu villen indigene Vëlker.

Virugedriwwe gëtt de Projet virun allem vun de südamerikaneschen Agrarkonzerner an de multinationale Konzerner aus Europa, déi sech méi Maartundeeler fir hir Produkter an domat méi Profitter erhoffen. D‘Ofkommes liberaliséiert zudeem e Groussdeel vun de Kapitalflëss, den Déngschtleeschtungen an dem ëffentleche Beschafungswiesen. Verbindlech Klimaschutz- an Ëmweltoplage sinn net virgesinn.

Wéinst de rezente Bëschbränn am Amazonas hu méi europäesch Spëtzepolitiker verlaute gelooss, d‘Ofkommes géif op Äis geluecht. Domatter soll d‘Bevëlkerung berouegt gi bis sech d‘Welle geglätt hunn. Wa Klimaschutz de Verantwortleche wierklech eppes bedeite géif, hätten si dës Verhandlunge guer net eréischt zougelooss. Dat well d‘Fräihandelsofkommes deenen a Südamerika aktiven Agrarkonzerner e staarke finanziellen Ureiz bitt, d‘Ofholzung onwidderrufflech ze beschleunegen.

Op béide Kontinenter wieren sech Gewerkschaften, Sozial- an Ëmweltverbänn, esou wéi och progressiv Parteie géint dëst Ofkommes. Nëmmen eng Mobiliséierung vun der breeder Bevëlkerung an Europa a Südamerika kann dëst zerstéierescht Ofkommes vun de Finanzeliten nach verhënneren. déi lénk wäert sech vehement un dësem Kampf bedeelegen.

matgedeelt vun déi lénk, fräi aus dem däitschen Iwwersat, vum Laure Schlesser

Ähnlech Sujeten Amazonas, Ëmweltschutz, Fräihandelsaccord, Klimanoutstand, Mercosur, Reebësch
Nächsten Artikel Virrechten Artikel