Search

You may also like

Fräi Tribün: Politesch Kris am Venezuela
Neiegkeeten

Fräi Tribün: Politesch Kris am Venezuela

No de rezenten Evenementer déi am Venezuela opkomm sinn, an

Covid19-Mutatiounen: Wéi ass et zu Lëtzebuerg?
Neiegkeeten

Covid19-Mutatiounen: Wéi ass et zu Lëtzebuerg?

Laut dem nationale Gesondheetslaboratoire (LNS) hu mir zu Lëtzebuerg aktuell

What the Fakt – Déi éischt Impfung géint d’Pouken virun 223 Joer!
Neiegkeeten

What the Fakt – Déi éischt Impfung géint d’Pouken virun 223 Joer!

Viru méi wéi 200 Joer huet den engleschen Dokter Edward

Kollektivvertrag fir de Cactus: E laange Sträit gëtt bäigeluecht

Kollektivvertrag fir de Cactus: E laange Sträit gëtt bäigeluecht

Et war net einfach, dofir laangwiereg an awer ass nees de gewerkschaftleche Kampf zugonschte vum Salariat op en Enn gaangen. E méintelaange Sozialkonflikt huet d‘Direktioun vun deenen erzwongen, déi dank hirer Hänn Aarbecht, all Dag dofir suergen datt si hir Privilegie behalen dierfen. Elo um Freideg si Gewerkschaften, Personalvertriedung an Direktioun sech eens ginn.

Woubäi „eens ginn“ trëfft et net esou ganz. Et ass fir den Ament just e prinzipiellen Accord zur Erneierung vum Kollektivvertrag fir déi ronn 3.200 Beschäftegt vum Grupp. An dofir huet och d‘Gewerkschaft OGBL (Majoritär) eppes Waasser an de Wäi geschott, woumadder den OGBL d‘Dialogbereetschaft vu sengen Departementer nach emol ënnersträicht. Wat gëtt dann elo besser?

  • Lounerhéijung vun 20 Euro/Mount ab dem 1. Januar 2020;
  • all d‘Salariéeë mat engem Loun ënner 2.835 Euro (Brutto) kréien ab enger Anciennetéit vun dräi Joer, all zwee Joer e weideren Echelon zougestanen (bis ewell waren et dräi Joer) wat der gudder wirtschaftlecher Gesondheet vum Grupp entsprécht;
  • ausbezuele vun aussergewéinleche Primmen: 200 Euro 2020 an dann nach emol 120 Euro fir 2021 an 2022;
  • d‘Camionschaufferen erhalen alleguerten e Lounzouschlag, awer eréischt ee Mount nodeems de Kollektivvertrag ënnerschriwwen ass;
  • d‘Produktivitéitsprimm gëtt ëm 10 Euro pro Echelon ugehuewen;
  • d‘Familljenzoulag fir d‘Kanner klëmmt vu 60 op 65 Euro;
  • de wëchentleche Stonnekredit fir den Sécherheets- a Gesondheetsdelegéierte geet vun 20 op 40 Stonnen erop;
  • d‘Pause verlängeren sech ëm fënnef Minutten op elo 20 Minutten;
  • d‘Paus kann net méi virun enger Aarbechtsstonn imposéiert ginn;
  • Extensioun vun der Altersgrenz bei der Kanner (a Charge) déi engem Salarié soziale Congé am Krankheetsfall zougesteet, déi gouf elo op 16 Joer festgeluecht;
  • fir d‘Mataarbechter vum Service „Frigo“ zu Capellen gouf eng Primm vun 1.000 Euro agefouert;
  • fir d‘Mataarbechter vum Service „Gefrueres“entsprécht dës Primm engem ganze Loun;
  • déi geschaffte Stonnen tëscht 18 an 19 Auer ginn ëm 10% an déi no 19 Auer ëm 30% majoréiert (dat gëllt net fir dat administratiivt Personal);
  • de Preavis am Fall vun enger Kënnegung säitens dem Mataarbechter gëtt op ee Mount fixéiert an dat egal wéi eng Anciennetéit de Salarié Opweises huet (Personal vum Grupp A).

Wann ee elo bedenkt datt sech d‘Elite eigentlech op de Fändel geschriwwen hat, de Kuch fir sech ze behalen an eigentlech d‘Grimmelen direkt mat, da muss een eigentlech dëse Revirement begréissen. D‘Gewerkschaften an d‘Personaldelegatioun hunn natierlech Recht sech dës Victoire un d‘Broscht ze spéngelen, mee et gouf och zolidd „hannert dem Rideau“ Drock gemaach, wat gutt esou ass.

Zudeem gesäit et aus, wéi wann och d‘Cliente vum Cactus gehéiert goufen. Déi hate fir déi meescht vill Versteesdemech fir d‘Revendicatioune vum Personal an et soll der ginn hunn, déi dat der Direktioun esouguer schrëftlech zougedroen hunn. Freet sech just: „Firwat dee ganze Stress?“. Ass d‘Liewen net esou scho schwéier genuch, musse Manager hiren Egoismus a perséinleche Frust grad un deen ausloossen, déi eigentlech de Garant fir eng zefridde Clientèle sinn? Anscheinend net…

Foto: Mëtt Dezember war eng méi lass am „schéine Stär“ an awer huet nach zwee Méint gedauert, bis sech d‘Direktioun besënnt huet. © Martine de Lagardère/moien.lu

Related topics Cactus, Kollektivvertrag, OGBL
Next post Previous post