Sichen

Dir kéint och nach folgende gefalen

Wéi Däitschland säi politescht Gesiicht verluer huet, erkläert
Neiegkeeten

Wéi Däitschland säi politescht Gesiicht verluer huet, erkläert

Um Sonndeg waren eis Noperen opgeruff e neie Bundestag ze

Washington schéckt weider Zaldoten an den Noen Osten
Neiegkeeten

Washington schéckt weider Zaldoten an den Noen Osten

No den amerikanesche Loftschléi géint Stellunge vun der Hezbollahmiliz a

34 Saachen, déi s de kenns, wann s de an de 90er opgewuess bass
Neiegkeeten

34 Saachen, déi s de kenns, wann s de an de 90er opgewuess bass

Et ass schonn eng Zäitchen hier wou s du Airwalks

Erneierung vum Kollektivvertrag bei der Kronospan

Erneierung vum Kollektivvertrag bei der Kronospan

D‘Gewerkschaften OGBL an LCGB hunn déi lescht Woch mat der Direktioun vu Kronospan, de Kollektivvertrag erneiert, dee sech op déi iwwer 300 Salariéeën an den ënnerschiddlechen Entitéite vum Grupp bezitt.

Kronospan, déi hire Sëtz an der Industriezon Gadderscheier zu Suessem huet, ass weltwäit féierend an der Produktioun vu Panneauen a Produiten déi aus Holz hiergestallt ginn. D‘Kronospan investéiert an entwéckelt op sengem Standuert zu Suessem och erneierbar Energien.

Am neie Kollektivvertrag, dee vir eng Period vun dräi Joer (1. Januar 2020 bis 31. Dezember 2022) gülteg ass, bréngt eng Rei Verbesserunge mat sech:

  • nei intermediaire Grade goufen an d‘Gehältertabell opgeholl, wat de Salariéeë méi Opportunitéiten zur Evolutioun bitt. Zudeem gouf festgehalen, datt de Grad F automatesch no 10 Joer Anciennetéit erreecht ass;
  • de Pourcentage fir d‘Nuetsaarbecht, gëtt vu 17% op 20% gehéicht;
  • de „Produktiounsbonus“ gëtt revaloriséiert – de maximale Montant klëmmt vun 2.100 op 2.500 Euro – a gëtt fir den Ensembel vun de Salariéeë vereenheetlecht, also och déi an der Administratioun beschäftegt Salariéeën;
  • et gëtt dann och ee „Bonus Calculator“ agefouert, deen alle Beschäftegten zerguttst kënnt. Et handelt sech heibäi ëm eng Prime, déi all Mount ausbezuelt gëtt, a sech op d‘Resultater vun der Entreprise an aneren Indicateure fundéiert;
  • d‘Prime fir d‘Astreinte an/oder d‘Permanence gëtt op 150 Euro brutto ugehuewen an indexéiert. Dozou kënnt nach eng Indemnitéit vu 25 Euro (net indexéiert) fir all realiséierten Trajet (Aller/Retour).

D‘Verhandlungen tëscht der Direktioun vu Kronospan an de Gewerkschafte sinn an engem ganz konstruktive Kader a mat engem no vir geriichte Bléck getätegt ginn.

Matgedeelt vun de Gewerkschaften OGBL an LCGB, fräi aus dem franséischen Iwwersat vum Laure Schlesser.

Foto: Bill Ferngren / Pixabay

Ähnlech Sujeten Kollektivvertrag, Kronospan, LCGB, OGBL
Nächsten Artikel Virrechten Artikel