Search

You may also like

130 Joer Jean la Gaufre – E Lidd fir Merci ze soen!
Neiegkeeten

130 Joer Jean la Gaufre – E Lidd fir Merci ze soen!

Zu Lëtzebuerg ass de Jean Kandel deem engen oder aneren

Cargolux reduzéiert seng Fluchfrequenz a Richtung China
Neiegkeeten

Cargolux reduzéiert seng Fluchfrequenz a Richtung China

Wéi d‘Direktioun vun der Cargolux gëschter matgedeelt huet, gi zur

Ausbroch vum Vulkan Anak Krakatoa op Indonesien (Update)
Neiegkeeten

Ausbroch vum Vulkan Anak Krakatoa op Indonesien (Update)

Indonesien nom Tsunami: den traurege Bilan zielt elo schonn 281

Kongress vun der ADR-Fraen

Kongress vun der ADR-Fraen

E Samschdeg 2. Februar, haten d‘ADR-Fraen hire statutaresche Kongress, bei dem och de Comité nei gewielt ginn ass.

D‘Sylvie Mischel ass eestëmmeg als Presidentin vun der ADR-Fraen erëmgewielt ginn. Déi weider Zesummestellung vum Comité: Goulnora Soultanova, Vizepresidentin a Sekretärin; Nadejda Trotsenko-Muller, Tresorière. Als Memberen si gewielt ginn: Marie-Andrée Faber-Schanen, Wilma Fuchs, Pierette Koehler, Mariette Schiltz an Colette Solny.

Beim Kongress ass sech och mat der politescher Aktualitéit an dem Regierungsprogramm befaasst ginn. D‘ADR-Fraen hu sech hei besonnesch besuergt gewisen, wat Chancëgläichheet-, d‘Sozial- an d‘Familljepolitik betrëfft. Bedauert gëtt de Fait, datt sech déi gréissten Oppositiounspartei ëmmer nees un dëser destruktiver Regierungspolitik bedeelegt.

Et gouf dann och ervirgehuewen, datt sech d‘ADR-Fraen och weiderhi fir déi fundamental Wäerter wäert asetzen, déi haut zu Lëtzebuerg leider just nach vun der ADR vertruede ginn. Et geet heibäi ëm d‘Ethik an de Schutz vum Kand. D‘ADR-Frae stinn an fir d‘Rechter vun den Elteren, an och fir d‘Chancëgläichheet fir Fraen a Männer. Fir e Matenaner, statt géintenaner…

Zesumme mat der Partei engagéiere sech d‘ADR-Fraen a villen ënnerschiddlechen Themeberäicher. Dozou gehéieren Ëmweltschutz, Gesondheet, Alters- a Fleegeheimer, esou wéi e Bildungssystem a Schoulen déi eise Kanner gerecht ginn, si esou virbereet, datt si sech der auslännescher Konkurrenz kënnen entgéintstellen, a seriéis Perspektive fir e sozialen Opstig erhalen.

Am Kontext vun den aktuellen Tendenzen, zu enger ëmmer méi staarker Radikaliséierung an enger Gesellschaftspolitik, esou wéi „Gambia II“ se bedreift, trieden d‘ADR-Fraen decidéiert entgéint.

Matgedeelt vun ADR-Fraen, Säitenopbau an Iwweraarbechtung: Laure Schlesser

Foto: © ADR

Related topics adr, ADR-Fraen, Goulnora Soultanova, Kongress, Nadejda Trotsenko-Muller, Sylvie Mischel
Next post Previous post