Sichen

Dir kéint och nach folgende gefalen

geek
Schuedsoftware „Wanna Cry“ gräift ëm sech
Cool Crazy Meenung

Schuedsoftware „Wanna Cry“ gräift ëm sech

Um Freidegowend a Samschdegmueren huet et dausende Windows-User op der

Gutt gefëllten Dagesuerdnung fir de Jean Asselborn beim EU-Ausseministerrot
Cool Crazy Meenung

Gutt gefëllten Dagesuerdnung fir de Jean Asselborn beim EU-Ausseministerrot

Um Méindeg huet de lëtzebuergeschen Ausseminister zu Bréissel um EU-Ausseministerrot

CFL Jubiläum: 10. Dag vun der Gesondheet an der Sécherheet
Cool Crazy Meenung

CFL Jubiläum: 10. Dag vun der Gesondheet an der Sécherheet

Ënnert dem Motto „Sécherheet Liewen“ hat de Grupp CFL, am

cooltongue

Ass de Fridden op der koreanescher Hallefinsel gräifbar no oder eng Illusioun

E Kommentar

Ass de Fridden op der koreanescher Hallefinsel gräifbar no oder eng Illusioun

Et si ganz positiv Signaler, déi am Moment vun der koreanescher Hallefinsel kommen. An si dinn engem gutt, well positiv Noriichten am internationalem Beräich aktuell éischter rar geséint sinn. An dach sollt een net vergiessen, datt een sech hei ze fréi freeë kéint. Well och wann et gutt ausgesäit: Mir hunn dat dote schonn e puer mol op der koreanescher Hallefinsel matgemaach. Et sinn zyklesch Beweegungen: Mol ass et Chaos, mol ass nees alles an der Rei. Wéi an engem Theaterstéck.

Dat, wat definitiv anescht zu soss ass, sinn d’Schauspiller an dësem Stéck. De Kim Jong Un ass nach relativ Nei bei dem ganzen dobäi. Seng Charme-Offensiv schéngt awer gewierkt ze hunn. Éischt Unzeechen dozou gouf et scho bei den olympesche Spiller. A wann en elo verséchert, datt keng Teste méi géife kommen an een d’Arealer fir dës Tester wéilt zou maachen, dann ass dat eventuell ganz clever. Well et kéint jo einfach sinn, datt en elo alles iwwert seng Waffe weess, wat e wësse wollt, a mat den Tester souwisou ophalen huet missen.

Wirtschaftlech Interesse spillen och hei eng immens grouss Roll

Oder him schlicht d’Geld ausgaangen ass. Wann en de Budget tatsächlech elo wëll a Richtung Wirtschaft réckelen, déngt dat eventuell och dozou, déi eege Leit roueg ze stellen. Well all déi Sanktiounen hu sécherlech zu bemierkenswäert vill Drock gefouert. An do kënnt deen aneren neie Schauspiller dobäi: Den Donald Trump.

Dee muss elo beweisen, op en e gutt Händche bei de Verhandlungen tëscht Nord- a Südkorea wéi och China huet. Wann alles gutt geet, kéint tatsächlech de Wee fir en nohaltege Fridden mi no réckelen. Mee wann et dat üblecht Spillche vun den Nordkoreaner sollt sinn, an erëm en Réckzéier kënnt, soubal genuch Konzessioune gemaach sinn…

… da gesi mer nees dat selwecht trauregt Schauspill.

Ähnlech Sujeten China, Donald Trump, Kim Jong-Un, Nordkorea, Südkorea, USA
Nächsten Artikel Virrechten Artikel