Search

You may also like

Den Donald Trump huet Immigranten de Kampf erkläert – 800.000 Dreamers mussen dowéinst em hier Zukunft fäerten
Neiegkeeten

Den Donald Trump huet Immigranten de Kampf erkläert – 800.000 Dreamers mussen dowéinst em hier Zukunft fäerten

Um Dënschdeg huet den Donald Trump den Dreamers-Programm vum Barack

Wäisswampech soll mat Hëllef vu 50 Milliounen Euro zu engem touristesche Magnéit fir d’Grenzgebitt ginn
Neiegkeeten

Wäisswampech soll mat Hëllef vu 50 Milliounen Euro zu engem touristesche Magnéit fir d’Grenzgebitt ginn

Den Tourismus ass ee vun de Secteuren, déi an Zukunft

Sanktioune géint Wäissrussland sinn duerch
Neiegkeeten

Sanktioune géint Wäissrussland sinn duerch

Et war eng laang Nuecht a wann een dem EU-Rotspresident

D’Kreativindustrie ass zwar kleng, awer ze ënnerstëtzen

D’Kreativindustrie ass zwar kleng, awer ze ënnerstëtzen

Moler, Schrëftsteller, Architekten a Museker – wat hunn si all gemeinsam? Richteg, si gehéieren zu der Kreativindustrie. Eng Industrie, déi zwar grad emol 2% vun eisem Bruttosozialprodukt duerstellt, an dach vu grousser Wichtegkeet ass.

Hëllef ass hei wëllkomm

Ëmmerhin 2.200 Entreprisen sinn an dësem Beräich aktiv. En ass, wat seng Kategorien a Berufsbiller ugeet, och zimlech ofwiesslungsräich. Dëst féiert dann och dozou, datt d’Reglementéierung mol strikt (Architekten) a mol manner strikt (Design) ausfale kann. Ma et sinn ganzer 6.300 Persounen an deem Beräich aktiv, an e groussen Deel dovunner an Ee-Mann/Fra-Betriber. Ganzer 60% sinn op sech gestallt a kënnen all Hëllef gebrauchen.

Laut dem Etienne Schneider, Wirtschaftsminister, kënnen des Persounen op déi selwecht Ënnerstëtzung zeréck gräifen, wéi all déi aner Entreprisen. Dozou gehéiert beispillsweis och eng Hëllef zur Recherche, déi och am méi technesche Beräicher vun der Kreativindustrie, zum Beispill am Gaming, duerchaus vergi gëtt. Mee zousätzlech dozou ginn et och Clusteren, déi deene Leit weiderhëllefe kënnen.

Souwuel um nationalen wéi och um Gemengenniveau wieren elo Initiativen ënnerwee, déi do ënnerstetzend wierken. De Wirtschaftsminister nennt do den Kreativhub 1535 zu Déifferdeng als Beispill. Dëse Kreativhub gouf an d’renovéiert Raimlechkeeten vun dräi alen Atelieren vun Arcelor Mittal placéiert. Et bitt der Kreativindustrie e Raum, wou se sech entfale kann a Synergie kreéiert kënne ginn.

Dës Informatioune stamen aus der Äntwert vum Minister op eng parlamentaresch Ufro vum Deputéierten André Bauler (DP).

Related topics André Bauler, Etienne Schneider, Konscht, Kreativindustrie, Lëtzebuerg
Next post Previous post