Sichen

Dir kéint och nach folgende gefalen

Editorial: Dir bréngt mech a Verleeënheet
Kultur Neiegkeeten

Editorial: Dir bréngt mech a Verleeënheet

Ech wëll meng al Regierung zréck, déi war gutt… si

Keng Panik! Du weess bestëmmt, wéi een dës Wierder richteg schreift!
Kultur Neiegkeeten

Keng Panik! Du weess bestëmmt, wéi een dës Wierder richteg schreift!

Mir hunn vill komesch Wierder entdeckt, wou mer eis d’Fro

Sträit tëscht Justiz a Krautmaart
Kultur Neiegkeeten

Sträit tëscht Justiz a Krautmaart

Et schéngt sech ze erweisen, datt den Dissens tëscht der

Buchvirstellung “Kreuz und mehr” vum Jean Back

Buchvirstellung “Kreuz und mehr” vum Jean Back

Beim Jean Back sengem néie Wiek „Kreuz un d’ mehr – Reisen ins Himmelblau und ein Weihnachtsmärchen“ entféiert hien de Lieser op eng spannend an ongewéinlech Rees op nei an onbekannte Platzen.

Den Auteur beschäftegt sech mam Thema Reesen a senger breetgefächerter Bandbreet. Dobäi biergt all Rees och onerwaarten Erliefnisser a Begéinungen. Genau dës Erfarunge sinn et, déi, déi Reesen och den Zauber ausmaachen an en ëmmer erëm an aner Regiounen zéien.

D’Erzielungen entsprange reelle Reesen, sief et berufflech oder privat – de Jean Back mëscht alles. Fiktioun a Realitéit, hie schaaft eng locker Atmosphär déi eis mat him an d’Welt zéie léisst a wa méiglech Loscht mëscht, selwer d’Valis ze paken an op een neit Erliefnis an enger friemer Kultur opzebriechen. Et ass d’Sehnsucht nom Onbekannten, no „kreuz und mehr“, déi vill vun eis undreift.

Mee och mental Reese ginn thematiséiert a kréien och eng grouss Bedeitung. D’Mäerche fir Erwuessener „Liebe Akira“ verbënnt zum Beispill Illusioun an de fernöstleche Glawen un d’Heelkonscht vun enger Schamanin.

Et war ee grousse Wonsch vum Auteur d’Erënnerung u seng Reesen a sechs verschidde Länner an engem Band ze vereenen, well säi subjektiivt Erliefnis sech op dëse Platzen op eng speziell Aart verdicht huet. D’Fiktioun, déi dat wierklecht Erliefnis begleet, léisst d’Erzielungen direkt wei een Tagebuch wierken, mat witzegen an deelweis ironeschen Notizen zou Persounen a Kulturen.

Jean Back

Zum Auteur

De Jean Back, Auteur, Fotograf, Film- a Konschtenthousiast aus Diddeleng, gouf 1953 gebuer an war laang Zäit Direkter vum Centre national de l’audiovisuel (CNA), wat hien och mat gegrënnt huet. Säi Wierk „Amateur“ gouf 2010 mam Europäesche Literaturpräis ausgezeechent an op puer Sproochen iwwersetzt. Seng Monologsammlung „Zalto Mortale“ war 2016 op der Shortlist vum Lëtzebuerger Buchpräis. 2017 koum dunn „Trakl Blues“ eraus, ee Roman iwwert den Amateurfilm „Die junge Magd“, no enger Ballade vum Georg Trakl.

„Kreuz und mehr“ ass no „Iesel“ seng zweet Zesummenaarbecht mat Éditions Guy Binsfeld.

Ähnlech Sujeten Buch, Jean Back, Kreuz und mehr, Literatur
Nächsten Artikel Virrechten Artikel