Sichen

Dir kéint och nach folgende gefalen

5 Saache, déi s de maache kanns, elo datt de Gemengewahlkampf eriwwer ass
International Neiegkeeten

5 Saache, déi s de maache kanns, elo datt de Gemengewahlkampf eriwwer ass

Haut gi mer all Wielen. An domatter ass de Wahlkampf

Si mir prett fir eng Lackerung vun de Mesuren? (Analys)
International Neiegkeeten

Si mir prett fir eng Lackerung vun de Mesuren? (Analys)

Datt d‘Gesondheetsministesch ee Sonndeg an der Sendung „riicht eraus“ um

Däitschland wëll d‘Plastikstut verbidden
International Neiegkeeten

Däitschland wëll d‘Plastikstut verbidden

Déi däitsch Ëmweltministesch Svenja Schulze (SPD) schéngt mat hirem Plang,

Krisegebitt Mëttelmier: op der Ocean Viking ginn d‘Liewensmëttel knapp

D‘Schëff vun den Hëllefsorganisatioune SOS-Méditérranée an Dokteren ouni Grenze brauch en Hafen

Krisegebitt Mëttelmier: op der Ocean Viking ginn d‘Liewensmëttel knapp

D‘Ocean Viking, déi vun den Hëllefsorganisatioune SOS-Méditérranée an Dokteren ouni Grenzen (MSF) gechartert gouf, huet 356 Mënsche u Bord an hänkt tëscht Lampedusa a Malta „fest“. Nach ëmmer gëtt no enger Léisung gesicht. Elo schloen d‘ONGen Alarm.

Um Schëff huet den Dokter Luca Pigozzi bestätegt: „All Dag verschlechtert sech d‘Situatioun. (…) D‘Liewensmëttel gi knapp, déi normal Ratioune sinn a fënnef Deeg opgebraucht. Et brauch eng Entscheedung, an zwar elo!“. Zudeem géif och de Gesondheetszoustand vu enger Rei Migranten sech rapid verschlechteren. Portugal huet mëttlerweil ugebueden, 35 Flüchtlingen opzehuelen.

Ocean VikingMalta wéi och Italien verweigeren awer weiderhin der Ocean Viking Zougang zu engem Hafen ze ginn. Nieft Portugal hunn awer och schonn Däitschland, Frankräich, Lëtzebuerg a Rumänien sech bereet erkläert, Migranten ze iwwerhuelen. Wa Portugal och bereet wier en Hafen „opzemaachen“, esou géif d‘Iwwerfahrt méi laang dauere wéi et Liewensmëttelreserven um Schëff gëtt.

Erzwonge Léisung

Beim Schëff „Open Arms“, vun der spuenescher ONG Proactiva Open Arms, huet d‘Justiz missen agräife fir de Migranten nees feste Buedem ënnert d‘Féiss ze ginn. Dat ass dann och beschlagnahmt a vun der italienescher Küstewaach „inspizéiert“ ginn. Déi huet Mängel – besonnesch mat Bléck op Sécherheetsaspekter – festgestallt, firwat d‘Schëff zu Porto Empedocle (Sizilien) festgesat ginn ass.

Ocean VikingEt kann een et dann elo och dréinen a kéiere wéi ee wëll, an och wa sech nach esouvill op Twitter an/oder Facebook iwwert d‘Migrante „geiergert“ gëtt, d‘Leit zréck a Libyen ze schécke ka keng Optioun sinn. Grad esou gutt kann een d‘Mënschen iwwer Bord werfen. Natierlech wier et eppes wéi eng Léisung d‘Rettungsmissiounen ze verbidden, zumindest géif een d‘Elend net méi gesinn.

Kleng Remark

Mee stellen d‘Europäer mat dëser Haltung net och hir eege Wäerter a Fro? An domatter sinn d‘Bierger wéi hir politesch Leader gemengt. Bei esou munch Kommentar, gëtt een dem Gefill net lass, datt d‘Auteuren duerchaus bereet wieren dës Mënschen – jo et si Mënsche vun deenen hei geschwat gëtt – mat eegenen Hänn ze ermuerksen. Ass jo méi einfach wéi Léisunge virzeleeën…

mat indymedia/rom/ber

Foto: D‘Alice, e Member vum Rettungsteam huet d‘Situatioun u Bord vun der Ocean Viking beschriwwen a erkläert firwat déi aus dem Mier gerette Migranten esou séier wéi méiglech mussen u Land bruecht ginn: „Dës Mënschen hunn enorm gelidden, déi meescht vun hinne waren a Libyen inhaftéiert“. Hiert Verbriechen? De Wonsch no Sécherheet an engem wierdege Liewen… © SOS-Méditérranée

Ähnlech Sujeten Dokteren ouni Grenzen, Mëttelmier, Migratioun, MSF, Ocean Viking, SOS-Méditerranée
Nächsten Artikel Virrechten Artikel