Sichen

Dir kéint och nach folgende gefalen

surprise
Super Bowl: D‘Adler klappen d‘Patrioten
International Kultur Neiegkeeten

Super Bowl: D‘Adler klappen d‘Patrioten

De Philadelphia Eagles ass eng vun de gréissten Iwwerraschungen an

World Rescue Challenge 2019 – Exzellent Resultater vun de Lëtzebuerger
International Kultur Neiegkeeten

World Rescue Challenge 2019 – Exzellent Resultater vun de Lëtzebuerger

Vum 12. bis de 15. September hunn 3 Ekippen aus

Porte Ouverte am Lycée Ermesinde
International Kultur Neiegkeeten

Porte Ouverte am Lycée Ermesinde

De Lycée Ermesinde (LEM) zu Miersch invitéiert op seng Porte

D’Kulturministesch Sam Tanson zu Bukarest

D’Kulturministesch Sam Tanson zu Bukarest

Eis Kulturministesch Sam Tanson huet gëschter un der Reunioun vun de Kulturministere vun der Europäescher Unioun zu Bukarest deelgeholl. Zentral Theme waren déi generell Entwécklung an de kulturellen a kreative Secteuren an Europa, sou wéi déi nächst Etappen zur Fërderung vum europäesche Kultur-Patrimoine, am Kontext vum Aktiounskader vun der Europäescher Kommissioun vum Dezember 2018.

Ier et awer mat de Gespréicher lass gaangen ass hunn d’Ministere Frankräich hir Sympathie a Solidaritéit nom schlëmme Brand an der Paräisser Kathedral Notre-Dame, kulturelle Patrimoine vu signifikativer Bedeitung fir ganz Europa, ausgedréckt.

Uschléissend hu ass d’Wichtegkeet vum kulturellen a kreative Secteur fir Europa ervir gehuewe ginn. Nieft dem eigentleche Wäert an dem Innovatiounspotential spillt dëst och fir déi europäesch Ekonomie eng grouss Roll. Divers Ministeren hunn an dësem Kontext un d’Direktiv vun den Auteursrechter erënnert. Donieft hu si awer och zouginn, datt et noutwenneg ass, datt dëse Secteur besser an de Finanze reflektéiert sollt ginn.

Esou huet d’Kulturministesch Sam Tanson drop opmierksam gemaach, datt nieft der praktescher Ëmsetzung an der Presenz um Terrain och den Accès op de Finanzement fir kleng a ganz kleng Acteuren aus dem Secteur verstäerkt muss ginn. Dobäi huet d’Ministesch ënnerstrach, datt d’Liewensdauer vun den Initiativen net nëmmen eng Fro vun der ekonomescher Ausféierung ass, mee och am Accès un d’Kultur, schonn am jonken Alter, läit.

D’Seance vum Nomëtteg war dem Patrimoine gewidmet. Ziel war et adequat Méiglechkeeten ze fannen, fir dat europäescht Joer vum kulturelle Patrimoine 2018 nach weider ze féieren. Hei konnt nämlech d’Ëffentlechkeet mobiliséiert ginn an den Engagement zur Fërderung vum Patrimoine an allen EU-Memberstaaten huet sech als immens grouss erwisen.

Zu dësem Thema huet d’Ministesch sech fir d’Noutwennegkeet ausgeschwat, datt och an Zukunft Ustrengungen a Saache Sensibilisatioun gemaach ginn. Dobäi konnt een 2018 och ee gudden Abléck an d’Aarbechten zu Lëtzebuerg kréien, virun allem wat déi digital Strategie vum kulturelle Patrimoine ugeet.

Zu gudder Lescht hunn d’Kulturministeren hir Hëllef bei der Deklaratioun vun der rumänescher Presidence am EU-Rot ausgedréckt. Weider Informatiounen heizou kritt dir ënnert www.romania2019.eu.

Opmaacherbild: (v.l.n.r.) Sam Tanson, Kulturministesch; Valer-Daniel Breaz, rumänesche Kulturminister © MCULT

Ähnlech Sujeten Bukarest, kulturelle Patrimoine, Kulturministère, Sam Tanson
Nächsten Artikel Virrechten Artikel