Sichen

Dir kéint och nach folgende gefalen

EHF-Cup: Dem Handball Käerjeng geléngt den Exploit
Neiegkeeten

EHF-Cup: Dem Handball Käerjeng geléngt den Exploit

Um Sonndeg ass an der Hal zu Käerjeng de Retourmatch

dislike
Washington: Vollen Zougreff op d’sozial Netzwierker
Neiegkeeten

Washington: Vollen Zougreff op d’sozial Netzwierker

Säit Enn Mee verlaangen d’USA vu jidderengem deen sech ee

Nationalarchiv: den Depot um Helleggeescht-Plateau ënner Waasser
Neiegkeeten

Nationalarchiv: den Depot um Helleggeescht-Plateau ënner Waasser

Dobausse brécht d‘Wieder all Temperaturrekorder an et herrscht Dréchent. Do

LCGB: Haut Léisunge fir muer fannen!

LCGB: Haut Léisunge fir muer fannen!

D’Zuelen u Chômeuren fir Abrëll 2020 si besuergneserreegend: scho méi wéi 20.000 Persounen sinn aarbechtslos gemellt, eng Hausse ëm 31,1 % an engem Joer. Ouni Kuerzaarbecht géif dës Bilanz nach méi katastrophal ausfalen. An de leschte Wochen si méi wéi 300.000 Paien duerch dës existenzsécherend Moossname garantéiert ginn, déi d’Kafkraaft gestäipt huet an eng nach méi schlëmm Hausse vu Chômeuren um Aarbechtsmaart verhënnert huet.

Den LCGB appelléiert dofir un d’Regierung, hir Erklärung, datt de Kampf géint de Chômage iewescht Prioritéit huet, anzehalen an nach haut ze handelen, fir Léisunge fir muer ze fannen! Fir den LCGB ass et zwéngend noutwenneg, keng wäertvoll Zäit ze verschwenden a sech direkt der Realitéit ze stellen. D’Covid-19-Pandemie ass nach net ënnert Kontroll, an net nëmmen d’Wirtschaft an d’Beschäftegung mee och de Staatshaushalt an de Sozialversécherungssystem wäerten en héije Präis bezuelen.

D’Kris weist awer virun allem, wéi wichteg ee leeschtungsfäege Sozialsystem an eng solidaresch Gesellschaft ass. D’Existenz vun den Employéen, d’Kafkraaft n d’Beschäftegung mussen dofir schonn haut laangfristeg fir muer gestäerkt ginn. Fir d’Folgen vun dëser Kris ze begrenzen an eng Verschäerfung vun alle sozialen Ongerechtegkeeten ze vermeiden, fuerdert den LCGB d’Regierung op, zesumme mat de Sozialpartner solidaresch a konstruktiv Léisungen ze fannen.

Chômage: Och wann den LCGB d’Fortsetzung vun de generellen Uwendunge vun der Kuerzaarbecht fir all Wirtschaftssecteure bis Enn 2020 begréisst, fuerdert den LCGB eng allgemeng Verbesserung vum Aarbechtslosen- a Kuerzaarbechtergeld, op 90 % vum leschten Aarbechtsentgelts fir déi gesamt Entschiedegungsdauer mat enger Héchstgrenz, déi dem Spëtzebeitragsaz entsprécht (dat Fënneffacht vum soziale Mindestloun).

Kuerzaarbecht – Garantéiert Mindestentschiedegung: Den LCGB begréisst, datt bei der Kuerzaarbecht opgrond vu Covid19 d’Bezuele vun enger Mindestbruttoentschiedeung an Héicht vum onqualifizéierte soziale Mindestloun garantéiert ass. Fir den LCGB muss dës nei Mindestentschiedegungsgrenz net nëmme bis zum Joresenn verlängert, mee dauerhaft gesetzlech verankert ginn, fir datt si iwwert de Krisenzoustand hannenaus ugewannt ka ginn.

Soziale Mindestloun: Säit Joren setzt sech den LCGB fir eng däitlech Erhéijung vum soziale Mindestloun an, wëll déi Begënschtegt vu Mount zu Mount dorëm kämpfen, iwwert d’Ronnen ze kommen. Den LCGB fuerdert d’Regierung dofir op sou schnell wéi méiglech eng Hausse vum soziale Mindestloun ëmzesetzen.

Weider Punkten sinn ënnert anerem d’Entloossungen, d’60-Stonnewoch, Sozialpläng an Insolvenzen, de Kampf géint Laangzäitchômage oder och d’Sozialversécherungen an d’Steierpolitik. Den Detail fannt Dir HEI.

Matgedeelt vum LCGB

Ähnlech Sujeten Chômage, Entloossung, Haut Léisunge fir muer, Kuerzaarbecht, Laangzäitaarbechtslosegkeet, LCGB, Pandemie, soziale Mindestloun, Sozialversécherung, Steierpolitik
Nächsten Artikel Virrechten Artikel