Sichen

Dir kéint och nach folgende gefalen

Attentat zu New York fuerdert aacht Mënscheliewen
Kultur Neiegkeeten

Attentat zu New York fuerdert aacht Mënscheliewen

De Chauffer vun enger Camionnette huet um Dënschdeg Cyclisten a

Schlecht Stëmmung bei der Post
Kultur Neiegkeeten

Schlecht Stëmmung bei der Post

Bréifdréier an Schalterpersonal geroden ënner Drock, Clientë kréie ferm an

USA: Am RoundUp-Prozess gëtt d‘Zomm vum Schuedenersatz revidéiert
Kultur Neiegkeeten

USA: Am RoundUp-Prozess gëtt d‘Zomm vum Schuedenersatz revidéiert

E Méindeg huet eng Riichterin vu San Francisco den Uerder

E Buch vun a fir Iech: „Leo, de klenge Chameleon“

E Buch vun a fir Iech: „Leo, de klenge Chameleon“

Houfreg presentéiert SO Graphiste säin neist Wierk „Leo, de klenge Chameleon“ – eng Geschicht, déi net duerch d’Fieder vun engem Auteur, mee duerch d’Fantasie vu ville kreative Lieser entstanen ass. Wat erlieft dat klengt Déierchen wuel?

Wärend dem Confinement am Mäerz hunn d’Sophie Ensel an d’Audrey Weiss, alle béid Grafikdesigner bei SO Graphiste, de participative Projet „D’Geschicht geet weider“ lancéiert. Fir de Lockdown kreativ an ënnerhalsam auszeliewen, ass esou e Schreifspill entstanen, bei deem jiddwereen senger Fantasie fräie Laf konnt loossen an esou eng eenzegaarteg Geschicht op d’Been stellen.

D’Damme vun SO Graphiste hunn déi éischt Zeen geschriwwen an illustréiert. Duerno huet eng Persoun sech den nächsten Deel ausgeduecht, deen nees illustréiert ginn ass, bis datt schliisslech d’Aventure vun engem verfroossene Chameleon erauskomm ass.

Leo

D’Sophie Ensel vun SO Graphiste stellt houfreg dat neit Kannerbuch „Leo, de klenge Chameleon“ vir

Klengt Déierchen, grouss Geschicht

„De Leo, e klenge Chameleon, dee wäit fort an engem tropesche Bësch wunnt, ass virun allem domadder beschäftegt säi Bauch ze fidderen. Enges Dages léiert de Leo en aussergewéinlecht Déier kennen, duerch dat hien eng spannend Aventure erlieft. Gidd mat op d’Aventure vum Leo, dem klenge Chameleon!“

Leo

Den Nicolas Hormain vun der Fondatioun Hëllef fir d’Natur an d’Sophie Ensel vun SO Graphiste presentéieren d’Buch „Leo, de klenge Chameleon“

Duerch d’Verbonnenheet mat der Natur an d’Solidaritéit vun all Participant geet de komplette Gewënn vun de verkaafte Bicher un d’Associatioun natur&ëmwelt Fondatioun Hëllef fir d’Natur an domat un de Schutz vun eiser Biodiversitéit.

D’Kannerbuch „Leo, de klenge Chameleon“ gëtt et a Lëtzebuerger, wéi och a franséischer Versioun ze kafen. Bestelle kann een et op der Säit www.so-graphiste.lu, respektiv steet et och zum direkte Kaf am Geschäft vum Haus vun der Natur op der Kockelscheier an an der Fleegestatioun fir wëll Déieren zu Diddeleng fir Iech bereet. Wie léiwer déi digital Versioun huet, dee soll emol bei der Applikatioun MyLORD laanscht kucken.

Ähnlech Sujeten Audrey Weiss, Fleegestatioun fir wëll Déieren, Fondatioun Hëllef fir d‘Natur, Geschicht, Kannerbuch, Leo de klenge Chameleon, Lockdown, natur&ëmwelt, Participative Projet, SO Graphiste, Sophie Ensel
Nächsten Artikel Virrechten Artikel