Sichen

Dir kéint och nach folgende gefalen

Wéi steet ëm d‘Gläichheet tëscht Mann a Fra?
Neiegkeeten

Wéi steet ëm d‘Gläichheet tëscht Mann a Fra?

D‘Ministesch fir Chancëgläichheet, Lydia Mutsch (LSAP) huet kierzlech de Bilan

Mëttelmier: Operatioun Sophia gëtt ëm 6 Méint verlängert
Neiegkeeten

Mëttelmier: Operatioun Sophia gëtt ëm 6 Méint verlängert

Als Ausseminister vun der Koalitiounsregierung huet de Jean Asselborn (LSAP)

Traditioun trëfft Modernismus: Amsterdam Klezmer Band
Neiegkeeten

Traditioun trëfft Modernismus: Amsterdam Klezmer Band

Traditionelle Klezmer mat Punk a Balkan „Beats“ vermëschen – datt

Lëtzebuerg eruewert de Weltall

Lëtzebuerg eruewert de Weltall

Mir haten et Mëtt-August grouss ugekënnegt: Lëtzebuerger Schüler sollten engem Exoplanéit a sengem Stär e Numm ginn. Ma gëschter war et esouwäit a béid Weltraumkierper, sinn nieft engen 110 aneren Exoplanéiten an hire Stären, am Kontext vun der Campagne IAU100 benannt ginn.

Et war eng Aktioun déi sech am Kader vum 110. Gebuertsdag vun der Internationaler Astronomen Unioun (IAU) ofgespillt huet, an déi gëschter zu Paräis d‘Nimm vun all dësen Exoplanéiten an hir Stären, déi bis heihinner just eng „Nummer“ waren, bekannt gemaach. Den Exoplanéit dee fir eist Land ausgewielt gouf war den HD45350b mat sengem Stär HD45350.

De Planéit heescht elo „Péitruss“ an de Stär „Lucilinburhuc“. Dës Nimm ginn dann och nieft deene vun der wëssenschaftlecher Nomenklatura gefouert an ginn där Persoun, dem Grupp oder der Organisatioun zougeschriwwen, déi den Numm virgeluecht hunn. De Stär deen all Land esou zougewise gouf ass dann och Hell genuch fir mat engem klengen Teleskop erbléckt ze ginn.

Zu Lëtzebuerg war den nationale Comité, dee säi Sëtz am naturhistoresche Musée huet, fir d‘Areeche vun den Nimm verantwortlech. Déi hunn zesumme mam Musée d‘Schüler am Land agelueden sech un dësem Projet ze bedeelegen. 12 Koppelen Nimm goufen zur Auswiel ausgesicht a stounge beim Science Festival fir d‘Visiteuren zum Vott.

D‘Propose vun der Klass 3.2 vun Eischen war Luxigi/Luxina an déi ware bei de Leit esou gutt ukomm, datt si de populäre Vott gewonnen hunn. Zréckbehale gi sinn dann awer déi Nimm, déi vun der 3èB aus dem Iechternacher Lycée virgeluecht goufen. Dat berechtegt sech doduerch, datt et déi eenzeg Nimm waren déi de Krittäre vum Reglement entsprach hunn.

Ähnlech Sujeten Exoplanéiten, IAU, Naturmusée, Stären, Weltall
Nächsten Artikel Virrechten Artikel