Sichen

Dir kéint och nach folgende gefalen

Vum Zelt an de Schapp: Zirkus zu Lëtzebuerg
International Neiegkeeten

Vum Zelt an de Schapp: Zirkus zu Lëtzebuerg

Um vergaangene Weekend hat Zaltimbanq Zirkus asbl seng Schüler, deenen

De Mäerz bei Netflix bréngt Neies a Bekanntes
International Neiegkeeten

De Mäerz bei Netflix bréngt Neies a Bekanntes

Nodeems de Januar an de Februar scho relativ gutt Méint

Déi nei amerikanesch Weltuerdnung (Analys)
International Neiegkeeten

Déi nei amerikanesch Weltuerdnung (Analys)

Wat et u Verträg ze kënnege gëtt, hunn d‘USA gekënnegt.

Lëtzebuerg preparéiert sech op de Coronavirus

Lëtzebuerg preparéiert sech op de Coronavirus

Ënnerhalb vun enger 20 Deeg konnt den Europäeschen Zentrum fir Preventioun a Kontroll vu Krankheeten (ECDC) 603 Fäll vum 2019-nCoV, oder och Coronavirus, bestätegen. A 17 Fäll ass d’Infektiounskrankheet déidlech ausgaangen, dat zu Wuhan a China. Wärend sech de Virus iwwert déi asiatesch Lännecho bis an déi Vereenegt Staaten ausgebreet huet, muss och Lëtzebuerg sech Gedanken zur Preparatioun a Preventioun maachen.

Zwou chinesesch Provënzen, Taiwan, Macao, Thailand, Japan, Korea an d’Vereenegt Staaten ziele schonn een oder méi Fäll misse konstatéieren, bei deene Persounen sech mat der gefierchteter Longenerkrankung ugestach, respektiv de Coronavirus importéiert hunn. Och am Groussherzogtum bereet ee sech op den Eeschtfall vir, och wann d’Wahrscheinlechkeet d’Erkrankung duerch Reesen anzeschleefen als geréng agestuuft gëtt.

Wann de Virus bis op Lëtzebuerger Terrain ass

Och wann et keng direkt Verbindung tëscht eisem Land an der chinesescher Stad Wuhan gëtt, esou kann a soll een d’Importatioun vun Eenzelfäll ni ausschléissen. Sollt ee Patient déi typesch Symptomer (Féiwer, Houscht, Otemproblemer) opweisen, réit d’Direktioun vun der Santé sech emol iwwert de Verlaf vun de Reese vun de leschten zwou Woche vun der concernéierter Persoun ze informéieren.

All verdächtege Fall muss direkt vum Dokter der Santé gemellt ginn. Wien sech an der vum Virus befallener Regioun opgehalen huet a Symptomer opweist, dee muss am Spidol an ee speziellt Isolatiounszëmmer am CHL komme fir eng adequat Behandlung ze kréien a keng aner Persounen unzestiechen.

Zur aktueller Stonn entwéckelt den Nationale Gesondheetslaboratoire (LNS) verschidden Tester zur Identifikatioun vum 2019-nCoV Parallel besteet een Accord mat der Charité Berlin fir d’Echantillone vum LNS ze analyséieren.

Recommandatioune bei Reesen an Asien

D’Stad Wuhan steet ënnert Quarantaine. Weder Zich, nach Fligeren dierfen an d’Stad mat sengen 11 Milliounen Awunner am Zentrum vu China verloossen. Passagéier, déi am Ëmkrees vum Pazifik, Groussbritannien, Nigeria, China oder Italien reese mussen un zuelräiche Fluchhäfe mat Temperaturkontrolle vum Kierper rechnen. Hei ginn nämlech direkt Loftverbindungen zur Regioun Wuhan ugebueden.

A wat soen se zu Lëtzebuerg um Fluchhafen? Mir hunn de Moie versicht vu Lux-Airport Informatiounen ze kréien, wéi dat hei zu Lëtzebuerg a Punkto „Monitoring“ am Kontext vum Coronavirus gehandhaabt gëtt. Déi Damm, déi mir erwëscht hunn, wousst net vu wat mir géife schwätzen a mir sollten dach eis Fro schrëftlech areechen, well déi Leit, déi kéinten op eis Froen Äntwerte, nach net am Haus wieren ( 9.15 Auer). Elo waarde mir op hir schrëftlech Äntwert.

Coronavirus

Huet ee sech um Lux-Airport scho mam Thema ausernee gesat?

Wëll een a China reesen, réit d’Direktioun vun der Santé:

  • Fir virdrun:
    • Op all net noutwenneg Rees ze verzichten
    • Net ze reesen, wann een un enger Otemkrankheet leit
  • Fir wärend der Rees:
    • Sech un déi lokal Richtlinnen ze halen
    • All Kontakt mat liewegen oder doudegen Déieren ze vermeiden
    • All Kontakt mat Persounen, déi Féiwer oder den Houscht hunn, ze vermeiden
    • Sech reegelméisseg d’Hänn mat Seef oder desinfizéierendem Mëttel ze wäschen
  • Am Fall vun optriedende Symptomer
    • Schnellstméiglech een Dokter opzesichen
    • A Géigewaart vun anere Mënschen ee Mondschutz unzedoen
    • Just Nuesschnappecher zur eemoleger Verwendung ze notzen a se duerno och ze entsuergen
    • D’Hänn reegelméisseg ze wäschen
  • Bei optriedenen Symptomer beim Retour op Lëtzebuerg
    • D’Haus net ze verloossen an de Kontakt mat de Matmënschen ze vermeiden
    • Ee Mondschutz unzedoen, wann de Kontakt mat anere Persounen net ze vermeiden ass
    • Nuesschnappecher fir wegzegeheie ze benotzen a sech reegelméisseg d’Hänn ze wäschen
    • Direkt den d’Gesondheetsinspektioun ze kontaktéieren (Tel. 247-858650) oder den 112
    • Net bei den Hausdokter oder an d’Urgence ze goen, fir esou eng potentiell Iwwerdroung ze verhënneren.

Fir weider Informatiounen zur Situatioun zu Wuhan, wéi och nëtzleche Rotschléi fir reesend Persoune sollt een d’Säit www.who.int besichen.

Ähnlech Sujeten 2019-nCoV, Asien, CHL, Coronavirus, ECDC, Infektiounskrankheet, LNS, Longeninfektioun, Lux-Airport, Reesen, Virus, Wuhan
Nächsten Artikel Virrechten Artikel