Sichen

Dir kéint och nach folgende gefalen

money
Staatsbudget 2018: De Musterschüler ass e Scholdaarsch
Neiegkeeten WTF

Staatsbudget 2018: De Musterschüler ass e Scholdaarsch

Fir de Finanzminister Pierre Gramegna hu mir d‘Kris iwwerwonnen, stinn

Jerusalem: Warnung vun den USA virum Vott vun der UN-Generalversammlung
Neiegkeeten WTF

Jerusalem: Warnung vun den USA virum Vott vun der UN-Generalversammlung

Um Donneschdeg ass d’UN-Generalversammlung opgeruff iwwert eng Resolutioun ofzestëmmen, déi

Et geet erëm lass – Schoulrentrée 2018
Neiegkeeten WTF

Et geet erëm lass – Schoulrentrée 2018

Ab dësem Méindeg Moien huet et fir Lëtzebuerger Primärschoulschüler geheescht

surprise

60 Millioune ginn investéiert, fir Lëtzebuerg an e Touristemagnéit ze verwandelen

60 Millioune ginn investéiert, fir Lëtzebuerg an e Touristemagnéit ze verwandelen

Um Dënschdeg huet d’Staatssekretärin Francine Closener (LSAP) de „strategesche“ Kader fir d’Entwécklung vum Tourismussecteur virgestallt. Zil ass et, all d’Acteuren zesummenzebréngen, an zu Lëtzebuerg bis 2022 en nohaltegen a qualitativ héichwäertegen Tourismus ze gestalten. Am d’Budgetsenveloppe ass mat 60 Milliounen entspriechend konsequent.

Fir 2017, geet d’Francine Closener zouversiichtlech dovunner aus, datt ee de Kap vun 3 Milliounen Touristen iwwerschratt huet. Eng Zuel déi ënnersträicht, datt et 2013 de richtege Choix war, den Tourismus an de Wirtschaftsministère ze integréieren. De Wuesstem vum Tourismus wier dann och dem politesche Wëllen an der gudder Promotioun geschëlt.

Mam strategesche Pabeier, deen de schéinen Numm „Tourismus 2022“ dréit, der konsequenter Investitiounsbereetschaft vun der Regierung, an der allgemenger Verbesserung vum gesamte Secteur, ass een um Ministère dann och zouversiichtlech, datt déi gesaten Ziler erreecht kënne ginn. De Secteur soll also wuessen, mee zilorientéiert…

An d’Strategie berout dann och op aacht Pilieren: eng koordinéiert Zesummenaarbecht, d’Begleedung vum Tourist, qualifizéiert Mataarbechter, d’Valorisatioun vun den Atouten, d’Opwäertung vun den Infrastrukturen, d’Qualitéit an d’Nohaltegkeet, d’stäerke vum wirtschaftleche Gewiicht vum Secteur an e gudde juristesche Kader fir d’Entwécklung ze begleeden.

Op der sich nom Tourist mat grousser Kaafkraft

De strategesche Kader beleeft sech op véier Joer (2018-2022) a mat engem Budget vu ronn 60 Milliounen Euro (+30% géintiwwer de leschte fënnef Joer) mécht de Ministère däitlech, datt de Projet wichteg ass. Den Tourismus mécht 6,5% vum BIP aus, a bitt 20.000 Leit eng Aarbecht. E Wirtschaftssecteur mat Zukunft, wann d’Objektiver dann och kënnen erreecht ginn.

Bei all den Iwwerleeungen, sinn et awer Haaptsächlech d’Touriste mat „grousser Kafkraaft“, déi een op Lëtzebuerg wëll lackelen. Dat wieren déi eeler Leit, wou als „Silver Economy“ bezeechent ginn. Mee och de „Kongress-Tourismus“ soll ausgebaut an op zolidd Been gestallt ginn. Dat ass dat ee vun de Beräicher, deem déi gréisste „Plus-value“ zougerechent gëtt.

Mat de ville Partner aus dem Privatsecteur, der Reform vum ONT, de regionalen Tourismusbüroen (ORT) an enger méi grousser Presenz am Ausland, op de Foire fir Tourismus, sollt et gelénge Lëtzebuerg als héichwäerteg touristesch Destinatioun ze implementéieren. Gestëtzt duerch eng digital „Offensiv“ a ville „Workshops“ fir d’Acteuren aus dem Secteur sollten d’Ziler erreecht ginn.

Foto: „Den Tourismussecteur huet sech an de leschte Joer ganz positiv entwéckelt, dem Secteur geet besser ewéi jee. Lëtzebuerg ass fir Touristen nees attraktiv ginn, et kommen der all Joer méi eis an d’Vakanz oder verbrénge Geschäftlech ee puer Deeg am Land“, huet d’Staatssekretärin Francine Closener am Virwuert vum Strategiepabeier betount. © Martine de Lagardère/moien.lu

Ähnlech Sujeten Francine Closener, Tourismus, Wirtschaftsministère
Nächsten Artikel Virrechten Artikel