Search

You may also like

Neit Covid19-Gesetz zanter Hallefnuecht a Kraaft
Kultur Neiegkeeten

Neit Covid19-Gesetz zanter Hallefnuecht a Kraaft

Nodeems um Donneschdeg an der Chamber d‘Koalitioun zesumme mat der

Géint de Broschtkriibs: Den Oktober kleet sech Rosa!
Kultur Neiegkeeten

Géint de Broschtkriibs: Den Oktober kleet sech Rosa!

Nom Kampf géint de Klimawandel an d‘Inaktivitéit vun der Politik,

déi Lénk zur Ministerpresidentewahl: Tabubroch an Thüringen
Kultur Neiegkeeten

déi Lénk zur Ministerpresidentewahl: Tabubroch an Thüringen

De liberale FDP-Kandidat Kemmerich gouf mat de Stëmme vun der

Lëtzebuerger Danzpräis 2019: Appell fir matzedanzen!

Lëtzebuerger Danzpräis 2019: Appell fir matzedanzen!

Fir déi 5. Editioun vum Lëtzebuerger Danzpräis invitéiert de Kulturministère nees all interesséiert Persounen, sech als Kandidat ze mellen. Zwee Mol am Joer gëtt d’Evenement lancéiert, wouduerch ee bis zu 5.000 € gewanne kann.

Zil ass et, d’Schafe vun zäitgenëssesche Choreographien an den artistesche Geescht vun de jonken Dänzer zu Lëtzebuerg unzereegen. Dobäi belount de Präis all DänzerIn, den oder déi sech duerch hiren Optrëtt vun aneren ënnerscheeden an esou international op sech opmierksam maache kënnen. Den Engagement vum Artist an der Entwécklung vun der kënschtlerescher Gestaltung vun engem Danz ass heibäi natierlech vu Virdeel.

Matmaachen dierf all DänzerIn oder professionelle Choreograph bis zum Alter vu 35 Joer. Donieft muss een déi lëtzebuergesch Nationalitéit hunn oder Resident am Grand-Duché sinn. Bis zum 12. Mee 2019 sollt ee seng Kandidatur u folgend E-mail Adress schécken: appel.dance@mc.etat.lu. Den Dossier soll een ënnerschriwwene CV mam professionelle Parcours, sou wéi de Schlësseletappe vun der professioneller Karriär enthalen. Donieft kënnen och aner Dokumenter (Pressedossier, Video, Illustration, Foto,…) bäigefüügt ginn.

D’Jury gëtt zesumme gesat aus dem Christiane Eiffes, Vize-Presidentin vum Zentrum fir Choreographien TROIS C-L, dem Natascha Ipatova vun DanceXperience Asbl, dem Tom Leick-Burns, Direkter vum Stater Theater, dem Simone Mousset, Laureat vum Lëtzebuerger Danzpräis 2017 an dem Marie-Laure Rolland, Journalistin.

D’Reegelen zum Lëtzebuerger Danzpräis fannt Dir HEI.

Related topics Appell, Choreographie, Concours, Dänzer, Lëtzebuerger Danzpräis 2019
Next post Previous post