D’Gewënner vum 8e Lëtzebuerger Filmpräis

E Samschdeg, den 22. September huet déi 8. Editioun vum Lëtzebuerger Filmpräis am Groussen Theater an der Stad Lëtzebuerg statt fonnt.

Bei der Zeremonie, organiséiert vum Filmfong an der Filmakademie, waren och eise Grand-Duc an d’Grand-Duchesse, souwéi de Xavier Bettel an de Guy Arendt present. De Guy Daleiden, Direkter vum Filmfong, an de Claude Waringo, President vun der Filmakademie sinn houfreg Iech d’Lëscht vun de Gewënner, déi aus engem Vott vun de Membere vun der Akademie ervir gaange sinn, vum Filmpräis virstellen ze duerfen.

• Präis fir de beschte Lëtzebuerger Fiktioun- an Animatiounsfilm:
  Gutland vum Govinda Van Maele – Les Films Fauves

• Präis fir de beschte Fiktiounsfilm an Kooperatioun:
  Noces vum Stephan Streker – Tarantula Luxembourg

• Präis fir de beschten Animatiounsfilm a Kooperatioun:
  The Breadwinner vum Nora Twomey – Melusine Production

• Präis fir de beschten Documentaire:
  La supplication vum Pol Cruchten – Red Lion

• Präis fir de beschte Kurzfilm am Beräich Fiktioun:
  Fils vum Cyrus Neshvad – Cynefilm

• Präis fir déi bescht Fernsehproduktioun „TV an nei Medien“:
  Bad Banks vum Christian Schwochow – Iris Productions

• Präis fir dat bescht kreatiivt Matwierken an engem Spillfilm am Beräich Fiktioun oder Documentaire:
  Uli Simon fir d’Kostümer vum Egon Schiele

• Präis fir dat bescht kreatiivt Matwierken an engem Spillfilm am Beräich Animatioun:
  Animatiounsequippe vu Melusine Productions/Studio 352 fir de Film The Breadwinner

• Präis fir déi bescht Interpretatioun:
  Vicky Krieps fir seng Roll bei Gutland

Déi verschidde Präisser goufen iwwerreecht vun:

Der Grande-Duchesse an dem Paul Thiltges (President vun der ULPA), dem Bady Minck (Produzentin vun Amour Fou Luxembourg) an dem André Dziezuk (Komponist), dem Alexis Juncosa (Konschtdirekter vum Luxembourg City Film Festival) an dem Elly Verduyckt (Skript), dem Fabienne Hollwege (Schauspillerin) an dem Hana Sofia Lopes (Schauspillerin), dem Guy Daleiden (Direkter vum Filmfong Luxembourg) an dem Claire Johnston (Schauspillerin), dem Caroline Origer (Realisatrice) an dem Pierre Urbain (President vun der FMIAV), dem Caroline Koener (Costumière) an demLuc Schiltz (Schauspiller), dem Katja Reinert (Visagistin) an dem Marion Guth (Produzentin a_Bahn), dem Xavier Bettel (Premierminister, Kulturminister a Kommunikatiouns- a Medieminister).

De Lëtzebuerger Filmpräis ass 2003 entstane fir déi bescht Matwierkungen am Lëtzebuergesche Kino- a Filmberäich ze belounen. Sou sollen och hir Wierker ee gewësse Wäert a Qualitéit kréien an zu Kreatiounen am Film encouragéieren. Doduerch entwéckelt sech national Filmindustrie weider an zitt d’Opmierksamkeet vum Public op Lëtzebuergesch Produktiounen.