Search

You may also like

Weess du, wéi een dës Wierder schreift? – 5
Money Neiegkeeten

Weess du, wéi een dës Wierder schreift? – 5

[onionbuzz quiz-id=43][/onionbuzz] Eis schéi Sprooch richteg ze schreiwen ass net

Den Niger gëtt vun enger humanitärer Kris bedreet
Money Neiegkeeten

Den Niger gëtt vun enger humanitärer Kris bedreet

Am Niger sinn 2,3 Millioune Mënschen op humanitär Hëllef ugewisen,

Keinachtsbaum – Echt Chrëschtbeemchen-Erliefnis ouni richtege Bam
Money Neiegkeeten

Keinachtsbaum – Echt Chrëschtbeemchen-Erliefnis ouni richtege Bam

Jo mir wëssen, et ass nach fréi, fir un déi

money

Lëtzebuerger Justiz mat interessantem Uerteel

Néi Decisioune vun der Lëtzebuerger Justiz am Kontext vun den Demanden op Schuedenersatz vun den Affer vun den Attentater vum 11. September 2001 an den USA

Lëtzebuerger Justiz mat interessantem Uerteel

An der Affär Saisie-Arrêt vun de Bankkonte vun der Islamescher Republik Iran bei der Clearstream Banking S.A.

Op de 14 Januar 2016, hunn 152 physesch Persounen, déi am eegene Numm als Familljememberen an/oder Ierwe vu Partien zu vakante Successioune vu verstuerwenen Affer, eng Saisie-Arrêt un d‘Societéit Clearstream Banking S.A. agereecht, fir Konten, op der Basis vu véier amerikaneschen Uerteeler, unhand deenen d‘Zentralbank vun der islamescher Republik Iran an aneren ëffentlechen Organismen, zum Paiement vu Schuedenersatz mat Zënsen un d‘Famillje vun den Affer vun den Attentater vum 11. September 2001, ze saiséieren. (De ganze Wuertlaut am Original fannt dir hei)

Den éischten Abrëll huet déi 7. Chamber en Arrêt formuléiert, mat deem d‘Saisie-Arrêt als net recevabel erkläert gouf. D‘Konte sinn entspriechend dem Artikel 111.5 (Gesetz vum 10. November 2009). Dësen Arrêt vum Geriicht ass dann awer net definitiv a ka mëttels Recours, nach emol an der Cassatioun ugefecht ginn.

No der Requête vun der iranescher Zentralbank (3. Abrëll) huet de Vizepresident vum Arrondissement-Geriicht Lëtzebuerg, eng Ordonnance op der Basis vum Artikel 66 vum neien Zivilprozedurkodex ausgestallt, mat där der Clearstream ënnersot gëtt, d‘Aktiva vun der iranescher Zentralbank an d‘USA ze iwwerweisen.

Dat amerikanescht Gesetz S.1790 „National Defense Authorization Act For Fiscal Year 2020“, mat deem et den US-Juridiktiounen erméiglecht gëtt, Depositaire vun den Aktivaen déi der iranescher Zentralbank gehéieren ze zwéngen, dës Fongen déi baussent den USA lokaliséiert goufen, an d‘USA ze iwwerweisen. E gréissere Problem fir Clearstream?

Nawell schon. Esou wéi et aus dem Communiqué ervir geet, verbitt d‘Ordonnance den Transfert an dëst Finanzinstitut riskéiert beim Verstouss, eng Astreinte vun 1 Millioun Euro pro Dag, wann si dogéint verstoussen. Clearstream awer dreet hei och, vun den USA op déi schwaarz Lëscht gesat ze ginn, wat hir Geschäftsaktivitéite mat den USA bedreet.

Esou huet Clearstream, déi op d‘USA am selwechte Mooss ugewise sinn, wéi d‘Fleegepersonal op Gesiichtsmasken, de 7. Abrëll eng Requête deponéiert, déi dëse Verbuet soll ophiewen. Eng presidentiell Ordonnance vum 8. Abrëll huet dës Demande op der Basis vum Artikel 66 vum neien Zivilprozedurkodex verworf, d‘Konditioune fir dësen Artikel unzewenne wieren net ginn. Et heescht datt Clearstream net an der Lag war Ëmstänn geltend ze maachen, déi eng Ausnam géifen zouloossen.

Illustratioun: © Anthony Garand / unsplash

Related topics Clearstream, Geriicht, Gesetz vum 10. November 2009, Iranesch Zentralbank, Justiz, National Defense Authorization Act For Fiscal Year 2020, USA
Next post Previous post