Search

You may also like

Teenager, Elteren a Confinement – De Retour vu Spillowenter
Neiegkeeten

Teenager, Elteren a Confinement – De Retour vu Spillowenter

Wien huet dann en Teenager doheem? Jugendlecher, op der schmueler

Italien: Autonomie bestriewe vu Venetien an der Lombardei
Neiegkeeten

Italien: Autonomie bestriewe vu Venetien an der Lombardei

Déi räich italienesch Regioune Venetien a Lombardei hunn sech an

Benelux – méi wéi just eng europäesch Entscheedung vun 1958
Neiegkeeten

Benelux – méi wéi just eng europäesch Entscheedung vun 1958

D’Unioun vun der Belsch, Holland a Lëtzebuerg, och Benelux genannt,

D’Lëtzebuerger Zaldoten zeréck am Heemechtsland

D’Lëtzebuerger Zaldoten zeréck am Heemechtsland

Leschten Donneschdeg sinn d’Membere vum drëtte Kontingent vun der Lëtzebuerger Arméi „Enhanced Forward Presence“ (eFP 03) nees zeréck an de Grand-Duché komm. No véier Méint a Litauen sinn den Offizéier, véier Ënneroffizéier, zwee Korporalen an 19 Zaldoten an hirem Heemechtsland begréisst ginn.

D’Zeremonie ass um Findel ofgehale ginn, a Presenz vum Chef vum Generalstab vun der Lëtzebuerger Arméi, dem Generol Alain Duschène, an natierlech vun den Elteren an de Léifste vun den Zaldoten.

No den Evenementer an der Ukrain huet d’NATO misse reagéieren an huet esou 2014 um Sommet zu Wales an 2016 um Sommet vu Warschau déi noutwenneg Mesure getraff, fir d’Sécherheet vun den Alliéierten ze garantéieren.

Arméi

De Generol Alain Duschène, Chef vum Generalstab vun der Lëtzebuerger Arméi, begréisst d’Membere vum Contingent eFP 03.
© EMA

Zu Warschau huet d’NATO sech engagéiert fir eng multinational Presenz op der Säit vun den Alliéierten ze sécheren. Dës Aktioun ass Deel vum Modell „Enhanced Forward Presence“, den Stationéierung vun enger multinationaler Batailloun an all balteschem Land (Estland, Lettland, Litauen) an a Polen virgesäit.

An dësem Kader huet sech de Grand-Duché am zweete Semester 2018 a Litauen agesat. Déi Lëtzebuerger Arméi war esou een Deel vun der multinationaler Batailloun, ënnert der Leedung vun Däitschland. Den Trupp vu 26 Lëtzebuerger Zaldoten ass am August 2018 wärend 4 Méint am Ausland gewiescht an ass vun enger belscher Compagnie begleet ginn.

Schonn 2017 hat d’Lëtzebuerger Arméi een Trupp, zoustänneg fir den Transport, fir eng Period vu sechs Méint am Ausland stationéiert.

Opmaacherbild: D’Membere vum Contingent eFP 03 © EMA

Related topics Alain Duschène, Arméi, eFP 03, Enhanced Forward Presence, Litauen, Militär, NATO
Next post Previous post