Search

You may also like

HaxoGreen 2018: Vun Atari Chiptunes bis Date-Klo, den Tüftler iwwert d‘Schëller gekuckt
Meenung Neiegkeeten

HaxoGreen 2018: Vun Atari Chiptunes bis Date-Klo, den Tüftler iwwert d‘Schëller gekuckt

Fir Leit déi näischt mat Technik um Hutt hunn, sinn et villäicht

Sozialkonflikt a Frankräich: de Macron versprécht net nozeginn
Meenung Neiegkeeten

Sozialkonflikt a Frankräich: de Macron versprécht net nozeginn

En Donneschdeg huet de franséische President, Emmanuel Macron, kloergestallt, datt

Et ass sech nees zivilgesellschaftlech abruecht ginn
Meenung Neiegkeeten

Et ass sech nees zivilgesellschaftlech abruecht ginn

Iwwert de Summer hu sech vill Leit Gedanken iwwert d‘Zukunft

“Mier loossen keen am Reen stoen” (Lieserbréif)

“Mier loossen keen am Reen stoen” (Lieserbréif)

Erënnere mir eis, dat war dem Premier Xavier Bettel seng Ausso. Mäi Meedchen huet bis de 15. Mäerz 2020 Chômage kritt. Een Dag dono ass den “Etat de Crise” ausgeruff ginn, an et huet geheescht, dass déi d’Leit wou de Chômage ofleeft, dee géife weider kréien. Leider ass awer näischt méi iwwerwise ginn.

Zwou Mailen un d’ADEM si leider ouni Äntwert bliwwen. Dono e Bréif un den Här Minister Kersch gemaach. Ma, d’Äntwert koum schnell, an et huet geheescht, dass am Prinzip de Chômage géif weiderlafen. Dorops higewise bei der ADEM, koum awer keng Äntwert méi.

Eng Mail un den Här Premier Xavier Bettel, an un d’Corona-Helpline vun der Santé sinn och onbeäntwert bliwwen. E grousse Merci un den Här Marc Spautz, deen sech der Saach ugeholl huet, a leider d’Äntwert vum Här Minister Kersch an der ADEM kritt huet, dass just een Dag géif feele fir dass de Chômage géif weider ausbezuelt ginn.

Meng Fro un eis Regierung: Wei kann e Mënsch an engem Dag eng Aarbecht fanne wann de Rendezvous op der ADEM esou wéi och e Virstellungsgespréich scho virum 15. Mäerz 2020 annuléiert goufen? An déi Persoun dobäi och nach krank war, a 14 Deeg d’Haus net verloosse konnt? Ass dat de Sozialstaat, wou d’Regierung Milliarden Euro un Hëllefe versprach huet a versprécht, an op der anerer Säit awer enger Persoun, déi net weess wei et soll weidergoen e klenge Chômage am “Etat de Crise” refuséiert, an domat déi Persoun zur Verzweiwlung bruecht an an d’Depressioun gedriwwe gëtt? Bravo Lëtzebuerg!

Mireille Delli Zotti-Meyers

Opmaacherbild: © Ian Espinosa / Unsplash

Related topics ADEM, Chômage, Dan Kersch, Depressioun, Keng Äntferten, Krisenzäit, Lieserbréif, Mireille Delli Zotti-Meyers, Verzweiwlung, Xavier Bettel
Next post Previous post