Search

You may also like

Vu Völklingen bis op Bréissel… fir hir an eis Zukunft
Kultur Neiegkeeten

Vu Völklingen bis op Bréissel… fir hir an eis Zukunft

Et war trotzt dem Wëssen, datt et sech beim „Walk

Bicherwoch am Biodiversum
Kultur Neiegkeeten

Bicherwoch am Biodiversum

Vum 16. bis de 24. Februar gëtt zu Rëmerschen un

Erneierung vun der Strooss an der Rue Caroline Baldauff-Rothermel, Herbert Schaefer a Benjamin Franklin (03.-04.09.2020)
Kultur Neiegkeeten

Erneierung vun der Strooss an der Rue Caroline Baldauff-Rothermel, Herbert Schaefer a Benjamin Franklin (03.-04.09.2020)

D’Stad Lëtzebuerg deelt mat, datt d’Stroosse vun der Rue Caroline

Live aus dem Parc 2020: Mat Optrëtter vum Remo Cavallini, Steven Pitman a Serge Tonnar

Eng Concertsrei vum 17. bis den 19. Juli zu Mäertert

Live aus dem Parc 2020: Mat Optrëtter vum Remo Cavallini, Steven Pitman a Serge Tonnar

Mat der Ofso vun de kulturellen Evenementer am Ufank vun der sanitärer Kris wollt Mäertert sech net einfach zefridde ginn. Zesumme mat der Eastcoast Asbl, an ënnert der Schiermherrschaft vun der Gemeng bitt d’Kulturkommissioun mat senger Concertsrei Kultur, Musek a Spaass, ënnert strikter Berécksiichtegung vun allen Hygiènesmesuren, un. Um Programm vu „Live aus dem Parc“ stinn fantastesch Optrëtter vum Remo Cavallini, dem Steven Pitman als bekanntesten Elvis Tribute Kënschtler an dem Serge Tonnar.

Concerten am Fräie sinn endlech erëm méiglech. An esou freeë sech d’Organisateuren e museksbegeeschterte Publikum beim Kiosk am Park zu Mäertert empfänken ze dierfen. Dobäi ass virgesinn, datt d’Gäscht fest Dëscher reservéiere mussen. Wien deelhëlt, gëtt bis bei seng Plaz begleet an dierf do schliisslech d’Mask ofsetzen.

Live aus dem Parc

De Programm vu „Live aus dem Parc“

Remo Cavallini – Freides, de 17. Juli 2020

Am Alter vu 14 Joer huet dem Remo Cavallini seng Karriär als Opener vu lokale Bluesbands ugefaangen. Säit 1999 huet hien a verschidde Bands matgewierkt, an divers Artisten begleet. Am Januar 2009 gouf den talentéierte Kärel zum General Manager vun der Déifferdenger Bluesschoul ernannt. Just kuerz drop ass d’Remo Cavallini Band gegrënnt ginn, déi den éischten Album „Autentic Soul“ verëffentlecht huet.

Elementer vum Blues gi mat Rock, Jazz a Funk gemëscht. Beaflosst vum Jimi Hendrix, B.B. King oder och dem Stevie Ray Vaughan duerft d’Band ënnert anerem schonn zesumme mat ZZ Top, dem Scott Henderson oder dem Johnny Winter optrieden!

Steven Pitman – Samschdes, den 18. Juli 2020

Mat wäit iwwer 100 Shows pro Joer ass de Steven Pitman ee vun de bekanntsten a gefrotesten Elvis Tribute Kënschtler an Europa. Hie selwer seet: „Meng Show ass ee wierklech glafhaften Hommage un den Elvis Presley an ech leeën dobäi den allergréisste Wäert drop, déi eenzegaarteg Stëmm vum Elvis esou authentesch wéi méiglech eriwwer ze bréngen.“

De Steven hëlt säi Publikum mat op eng musikalesch Zäitrees duerch d’Karriär vum King of Rock’n’Roll. Esou kommen déi wëll 50er a 60er Joer direkt op Lëtzebuerg!

AUSVERKAAFT: Serge Tonnar – Sonndes, den 19. Juli 2020

Als Ofschloss vun der Concertsrei gëtt de Serge Tonnar mat senger Band dem Publikum e Concert aus sengem breet opgestallte Repertoire zum Beschten.. No der Quarantaine ass de Lëtzebuerger Museker bänzeg d’Bühne vum Land mat Liewen ze fëllen a mat senge kritesch-lëschtege Lidder ze begeeschteren.

Zesummegesat ass de Grupp dëse Summer aus de Gaaschtmuseker Eric Falchero (Piano), Ben Claus (Akkordeon), Marc Demuth (Bassgei) an Dirk Kellen (Perkussioun).


Weider Informatioune, sou wéi d’Tickete kritt Dir ënnert www.ticket-regional.lu. Fir lokal Caféen a Restauranten ze ënnerstëtzen iwwerhuele si de Catering op der Plaz, sou datt Dir ganz gemälleg zu Mäertert d’Musek mat engem gudde Maufel genéissen kënnt. Empfaange gëtt de Publikum ab 18:00 Auer, d’Concerte fänken um 20:00 Auer un.

Opmaacherbild © Israel Palacio / Unsplash

Related topics Blues, Concertsrei, Elvis Presley, Funk, Jazz, Kulturkommissioun, Live aus dem Parc, Mäertert, Musék, Remo Cavallini, Serge Tonnar, Steven Pitman, Tribute
Next post Previous post