Sichen

Dir kéint och nach folgende gefalen

Wat weit méi: Mënscherechter oder Handelsbezéiungen?
Neiegkeeten

Wat weit méi: Mënscherechter oder Handelsbezéiungen?

Op Aluedung vum tierkeschen Ausseminister, Mevlüt Cavusoglu, huet sech de

“Bim & Anna” vum Olga Reiff
Neiegkeeten

“Bim & Anna” vum Olga Reiff

„Ech kann et eleng!“, dovun ass de klenge Bim iwwerzeegt.

Keen erhuelsame Schlof, keen angenehmt Liewen!
Neiegkeeten

Keen erhuelsame Schlof, keen angenehmt Liewen!

Um haitegen Dag organiséiert den CHEM ee Sensibiliséierungs- an Informatiounsstand

Eng nei Sensibiliséierungs-Campagne vum Verkéiersbond

Eng nei Sensibiliséierungs-Campagne vum Verkéiersbond

Zesumme mat de Lëtzebuerger Museker vun De Läb well de Verkéiersbond op d’Sensibiliséierung-Campagne „Looss et rullen“ opmierksam maachen. 2014 goufen si mat dëser Aktioun souguer mam Media Award Gold ausgezeechent.

Elo ass d’Campagne iwwerschafft ginn a gëtt mam Slogan „Zäit fir ëmzeklammen“ ënnerstëtzt. Déi zweet Versioun vu „Looss et rullen“ baséiert op engem originale Lidd vun De Läb, extra geschriwwe fir d’Campagne, wat virun allem op d’Virdeeler an de Wäert vum ëffentlechen Transport soll hiweisen.

D’Lidd, wéi och de Video sinn net esou ganz seriéis ze huelen a weisen d’Karikatur vun enger ze vill confortabeler Natioun, déi just versicht sech mam Auto virun ze beweegen. Et ass an dësem Kontext wou d’Karikatur an d’Realitéit nees openeentreffen: d’Halschent vun den alldeeglechen Trajete kéinten zu Lëtzebuerg duerch alternativ Modeller ersat ginn. Dofir muss awer jiddwereen seng Gewunnechten änneren.

Iwwerfëllten Autobunnen, individuell motoriséiert Mobilitéit, déi momentan iwwerleeft, Krankheeten, déi mat mat eiser Inaktivitéit verbonne sinn. Et gëtt Zäit eppes ze änneren – Zäit fir ëmzeklammen.

D’Iddi baséiert dorop, de Reesenden den ëffentlechen Transport als Platz vun der Fräiheet schmackhaft ze maachen. Esou hu si Zäit fir ze liesen, sech ze entspanen oder schonn emol virzeschaffen.

Ähnlech Sujeten De Läb, Ëffentlechen Transport, Looss et rullen, Musék, Sensibiliséierungscampagne, Stau, Verkéiersbond, Video
Nächsten Artikel Virrechten Artikel