Search

You may also like

Appell zur Kandidatur: Pop-Up-Stores an der Rue Philippe II
Kultur Neiegkeeten

Appell zur Kandidatur: Pop-Up-Stores an der Rue Philippe II

Op en neits ass d’Stad Lëtzebuerg op der Sich no

What the Fakt – Internationalen Dag vum Fräschen-Retten!
Kultur Neiegkeeten

What the Fakt – Internationalen Dag vum Fräschen-Retten!

Scho säit dem Joer 2009 feiere vill Länner um leschte

surprise
SpaceX: Déi gréisste Rakéit vun der Welt ass um Wee Richtung Mars
Kultur Neiegkeeten

SpaceX: Déi gréisste Rakéit vun der Welt ass um Wee Richtung Mars

D‘Falcon Heavy vu SpaceX ass um Dënschdeg op seng éischt

Loscht op al Steng an eppes Geschicht?

Loscht op al Steng an eppes Geschicht?

Am September ginn zwou guidéiert Visitte vum Fort Obergrünewald ugebueden. Esou e Sonndeg 1. September an e Samschdeg de 14. September (ëmmer um 15 Auer) kann een op den Dräi Eechelen net nëmmen d‘Vue op d‘Alstad genéissen, mee och säi geschichtlecht Wëssen nees opfrëschen.

Déi interesséiert Gäscht wäerten da gewuer ginn, datt dësen Uert laang Zäit net esou friddlech war, wéi een deen haut kennt. De Fort Obergrünewald hat eng gréisser Roll am Kontext vun der militärescher Belagerung vun der Stad Lëtzebuerg 1684 gespillt. Dat och well d‘Héichte vum Pafendall zu dëser Zäit nach net „befestegt“ waren, an esou d‘Fransousen hir Kanounen do konnten installéieren. Vun do aus hu se dann op d‘Stad geschoss, déi béis a Matleedschaft gezu gouf.

Fir en neien Iwwerfall iwwert den Ëmwee vun dësen Hiwwel ze verhënneren, huet de néie „Chef“ – an eisem Fall de franséische Kinnek Louis XIV – sengem Militäringenieur Sébastien Prestre de Vauban den Uerder ginn dës Schwaachstell an der Verdeedegung ze behiewen. Dat ass gelongen…

Nach haut kann de Fort Obergrünewald, deen direkt virum Fort Thüngen (am Volleksmond „dräi Eechelen“ genannt) opgeriicht gouf, de Leit e gudden Androck vun der Stäerkt vun der befestegter Stad Lëtzebuerg ubidden. Weider militäresch Ouvrage si mat der Zäit bäigeprafft ginn, an et sinn och Kasematten ausgehuewe ginn. Dat alles kann ee wéi gesot mat eegenen Aen iiwerpréiwen.

Organiséiert gëtt den guidéierten Tour vun der Vereenegung „Frënn vun der Festungsgeschicht Lëtzebuerg“ (FFGL). Si hu sech ënnert anerem virgeholl, hire Gäscht d‘Roll vun der Artillerie, esouwuel beim Ugrëff wéi och bei der Verdeedegung vun enger befestegter Plaz ze erklären.

Dës Visitte kann een dann och vervollstännegen an deem een sech d‘Ausstellung „Et wor emol e Kanonéier“ am Musée „Dräi Eechelen“ ukucke geet. De guidéierten Tour gëtt a Lëtzebuerger Sprooch ugebueden. Iwwersetzungen op franséisch, däitsch an englesch sinn op Nofro méiglech. De Rendez-vous ass gi virum Musée, erwuessener bezuele 5 Euro, Kanner bis 12 Joer näischt.

Sech umellen ass ëmmer gutt, da ka sech besser op dem Empfang vun de Leit virbereet ginn. Dat geet mam Telefon iwwert den 621 701 720, oder per e-Mail un „guide@ffgl.lu“. Méi Detailer an aner Informatioune bitt och d‘Internetsäit vum Veräin un: www.ffgl.lu

Foto: De Fort Obergrünewald ass tëscht 1864 an 1888 ënnert der Leedung vum Vauban opgeriicht ginn an haut en Zäitzeie mat enger schéiner Geschicht. © FFGL

Related topics Dräi Eechelen, FFGL, Fort Obergrünewald, Fort Thüngen, Frënn vun der Festungsgeschicht Lëtzebuerg, Sébastien Prestre de Vauban
Next post Previous post