Search

You may also like

D’Danica Roem gewënnt als éischt Transgender-Kandidatin d’Walen a Virginia
Kultur Neiegkeeten

D’Danica Roem gewënnt als éischt Transgender-Kandidatin d’Walen a Virginia

D‘Danica Roem, fir d‘Demokraten am Staat Virginia als Kandidatin an

Muse = Mute
Kultur Neiegkeeten

Muse = Mute

Eng Muse ass Inspiratioun. Si steet hannert der Iddi, déi

Festival „On Stéitsch“ 2021: Jonk Artiste kënne sech elo umellen
Kultur Neiegkeeten

Festival „On Stéitsch“ 2021: Jonk Artiste kënne sech elo umellen

Déi 14. Editioun vum beléiften nationale Festival „On Stéitsch“ huet

„Märd alors !!!“ – E kabarettistesche Réckbléck op d’Joer 2018

Mam Jhemp Hoscheit a Jules Arpetti

„Märd alors !!!“ – E kabarettistesche Réckbléck op d’Joer 2018

Den 31. Januar kann ee sech op ee lëschtegen Owend an der Kulturfabrik zu Esch/Uelzecht astellen. Mat „Märd alors !!!“ gëtt op dat vergaangent Joer zeréck gebléckt.

Wéi scho mam ‘Sorry fir deen Duercherneen” – e satiresche Réckbléck op d’Joer 2016 –, mat deem de Jules Arpetti an de Jhemp Hoscheit 2017 mat groussem Erfolleg op Tournée waren, trieden déi zwee Artisten nees 2019 uechter d’Land op: mam neie satiresche Réckbléck op d’Joer 2018, ënnert dem Titel: ‘Märd alors!!!’.

Et ass eng ofwiesslungsräich kabarettistesch Liesung iwwert dat, wat 2018 geschitt ass. Dat vergaangent Joer gëtt ënner d’satiresch Lupp geholl. Den Auteur Jhemp Hoscheit huet eng bësseg Chronik geschriwwen, an där déi national an international Aktualitéit mat vill Humor an Ironie, kritesch a wuertwitzeg ënner d’Lupp geholl gëtt. Hien trëtt am Wiesselspill an am Dialog mam Museker a Gitarrist Jules Arpetti op, deen net nëmme kabarettisteschen Textinterpret ass, mee och mat Politsongen fir déi zousätzlech musikalesch Pointe suergt.

Den Ticket kascht 15 € fir Erwuessener, 12 € ass de reduzéierten Tarif.
Reservéiere kennt Dir ënnert der Telefonsnummer 55 44 93-1 oder der E-Mail Adress inscriptions@kulturfabrik.lu .

Méi Informatioune ginn et ënnert www.kulturfabrik.lu.

märd alors

Related topics 2018, Jhemp Hoscheit, Jules Arpetti, Kabaret, Kulturfabrik, Märd alors!!!, Réckbléck, Satir
Next post Previous post