D’Maisons Médicales de Garde hunn nees op!

Ab haut huelen och d’Maisons Médicales de Garde zu Lëtzebuerg, Esch-Uelzecht an Ettelbréck nees de Betrib op. Esou kënnen ausserhalb vun den normale Consultatiounen vum Dokter Patienten empfaange ginn. Dës dierfen allerdéngs net Covid-19-infizéiert sinn, mussen eleng kommen an eng Schutzmask opsetzen.

Patienten mussen fir d’Visitt an enger vun de Maisons Médicales de Garde ee Rendez-vous iwwert sante.lu/mm oder d’Telefonsnummer 20 333 111 huelen. Déi fixéiert Zäit muss respektéiert ginn.

D’Maisons Médicales sinn op vun 20:00 bis Mëtternuecht Auer an der Woch, sou wéi Weekends an u Feierdeeg vun 8:00 bis Mëtternuecht. De Plang vum Mount Juni fannt Dir HEI.

Opmaacherbild: © snowing / Freepik