Search

You may also like

money
De Bitcoin hieft op enger internationaler Bourse of
Neiegkeeten

De Bitcoin hieft op enger internationaler Bourse of

De Bitcoin, déi wuel am Moment kontroverséiertst Kryptowärung op der

De kuerze Besuch vum Marco Houwen beim Digitaliséierungsminister
Neiegkeeten

De kuerze Besuch vum Marco Houwen beim Digitaliséierungsminister

De delegéierte Minister fir d‘Digitaliséierung, Marc Hansen (DP) hat de

Youth for Climate – d’Jugend mengt et Eescht!
Neiegkeeten

Youth for Climate – d’Jugend mengt et Eescht!

Um haitege Freideg de Mëtteg ass sech nees fir de

Mäi Mondschutz, meng Oueren an ech

Mäi Mondschutz, meng Oueren an ech

Mëttlerweil gëtt et Mondschutzflicht an de Butteker an iwwerall wou den Ofstand vun zwee Meter net agehale ka ginn. De Freidegmëtten war ech akafen, elo weess ech, dass dat net fir jiddereen evident ass. D’Besuergnes war scho virdrun do, mäi schlecht Gefill huet mech net getäuscht.

Ech héiere schlecht. Ganz schlecht, sou ëm déi 30 Prozent op all Säit. Meng Ouerenapparater si futti, op der Krankekeess goufen neier ugefrot. Dat ass jo schéin a gutt, ma elo sëtzen ech hei. Ouni Kaméidi a Geschwätz. Ouni Kommunikatiounsmoyen.

Ewéi ech an der Apdikt war, huet d’Apdiktesch mir probéiert ze erklären, wéi e Medikament ageholl muss ginn. Duerch hire Mondschutz konnt ech hier net op d’Lëpse kucken, ech hat Krämpes matzekréien, datt si iwwerhaapt eppes gesot huet. Meng Baken hunn sech gliddeg ugefillt, ech war bestëmmt knätschrout am Gesiicht. De Schweess ass mir ausgaangen.

Mondschutz

© teksomolika / Freepik

Dono am Supermarché huet en eeleren Här mat mengem Mann geschwat,. Hien huet mech wahrscheinlech fir eng onhéiflech Gees gehalen, well ech ëm net geäntwert hunn. Ma wéi och. Ech konnt him mol net an d’A kucken. Geschummt hunn ech mech, mä mir ass eréischt doheem bewosst ginn, wat dat fir mech bedeit. Nach méi sozial Distanz.

Eleng heiheem am sécheren Krees vun der Famill “Wat gelift” ze soen, ass well eng Iwwerwannung, d’Angscht datt dës Behënnerung nervt ass andauernd present.

Gutt, ech muss zouginn, dass ech meng Apparater net ëmmer undinn, se stéiere mech dacks, den Toun héiert sech komesch un a meng Stëmm irritéiert mech. Mä dat ass meng Entscheedung gewiescht, elo vermëssen ech se. A wann ech erëm e Puer hunn – ech wäert se reegelméisseg undoen! Ech wëll mech net méi esou hëlleflos fillen. Matschwätzen, zesumme schwätzen ass wichteg …

Duerch dëst battert Erliefnis wäert ech mir e Wonsch erfëllen – ech si schonn zënter menger Kandheet faszinéiert vun der Gebäerdesprooch. An elo wëll ech se léieren. Wäit wäert ech domat net kommen, ma wien weess, villäicht fillen ech mech dann net esou verluer!

Opmaacherbild: © zesummegebastelt mat Fotoe vum Senivpetro / Freepik

Related topics Akafen, Covid-19, Gebäerdesprooch, Héieren, Hörapparat, Mondschutz, Problem, Schutzmask, schwéier héieren, Toun, Wat?
Next post Previous post