Sichen

Dir kéint och nach folgende gefalen

Krichsverbriechen am Jemen: déi saudesch Koalitioun verwërft den UN-Bericht
Kultur Stories

Krichsverbriechen am Jemen: déi saudesch Koalitioun verwërft den UN-Bericht

Déi ënner saudeschem Commandement gefouert Koalitioun am jemenitesche Biergerkrich, huet

money
Berlin hieft den Toun géint d’Automobilindustrie
Kultur Stories

Berlin hieft den Toun géint d’Automobilindustrie

D’Häerzstéck vun der däitscher Wirtschaft schéngt sech et mat Berlin

D’Chorale Mixte vum Conservatoire mat super Programm
Kultur Stories

D’Chorale Mixte vum Conservatoire mat super Programm

D’Gemeng Koplescht invitéiert Iech e Samschdeg, den 26. Januar 2019

Muse = Mute

D'Fra als stommen Schlëssel zum artistesche Genie

Muse = Mute

Eng Muse ass Inspiratioun. Si steet hannert der Iddi, déi e Gedicht schreift oder eng Melodie séngt. D’Welt vun der Konscht ass ofhängeg vun den Musen. Et ass eng Éier, engem Artist seng Muse ze sinn. Wéi dem Salvador Dali seng Fra Gala gi Musen oft zelebréiert. Allerdéngs just als Sujet vum Artist.

Muse kréien den Titel vun ‘Inspiratioun’, mee net méi wei dat. Mir wëssen wei Musen ausgesinn, mee net wat si selwer kënnen. Si sinn de Sujet vu Lidder, Portraiten an Geschichten. Mee wat denke si? Wat wëlle si? Si si och Kënschtler? Den Numm Claudine Claudel kenne mer als dem Auguste Rodin seng Schülerin an Inspiratioun, mee hir Konscht ass quasi obskur.

Sinn Musen da just Maîtressen?

Wisou hu sech dës Fraen dann un Artisten gebonnen? Wor et just wéinst Léift oder wéinst Geld? Oder well des Männer selwer inspiréierent waren?

Historesch hu Fraen keen esou en einfacher Accès un akademesch a intellektuell Sourcen, ewéi Männer. Am Joer 1929, huet d’Virginia Woolf exposéiert, datt de Mangel un materieller Onofhängegkeet artistesch Frae behënnert. D’ekonomesch esou wéi rassistesch Ënnerdréckung ass nach eng weider Hürde fir d‘Women of Colour.

Do geséit een dann, wéi di komplex Relatioun tëschent Gender, Rass a Karriär sech ob Kenschler_innen auswierkt. Fir Respekt an der Konschtwelt ze kréien, war d’Gesellschaft vu Männer oft den eenzege Wee.

Den Titel vun ‘Muse’ erstéckt hir Stëmm

D‘Roll vun der Muse ass virun allem eng stomm. Si ass just en Outil fir de Genie, deen hien an sech huet, ze liberéieren. Eng Muse soll sech geéiert fillen, datt si erausgesicht ginn ass! Allerdéngs gëtt hier Contributioun op hir Schéinheet reduzéiert. Domatten ass si aus der Conversatioun ausgeschloss an hir Stëmm ass ausgeläscht. Inspiratioun, gëtt hir zougeschriwwen, awer weder Contributioun nach Erkenntnes. Wéi den Tableau gëtt si just vun enger Säit gesinn.

Inspiratioun, mee kee Respekt?

Wann en Artist, enger Fra den Status vun Muse gëtt, dann gëtt si Material vun sengem Genie. Oft ass et och eng Excuse, fir Fraen mat minimalem Respekt ze behandelen. De Picasso huet ville Fraen d’Liewen schwéier gemaach, an dat alles am Numm vun senger Konscht! Des Artiste schwäerme villäicht vun hiren Musen, mee dat ass just d’Intellektualiséierung vun hirer eegener Iwwerflächlechkeet. Dat eenzegt wat vun dëse Fraen iwwereg bleift, ass hiert Gesicht, an engem Portrait veréiwegt.

Ähnlech Sujeten Feminismus, Konscht, Kultur
Nächsten Artikel Virrechten Artikel