Sichen

Dir kéint och nach folgende gefalen

Motivatioun fir Demokratie schafen
International Kultur Neiegkeeten

Motivatioun fir Demokratie schafen

Um fréie Mëttwochowend war an der Escher Märei de Vernissage

Doktere vun der Welt: Grippeimpfung fir d‘Leit vun der Strooss
International Kultur Neiegkeeten

Doktere vun der Welt: Grippeimpfung fir d‘Leit vun der Strooss

Wéi schonn 2016, mécht och dëst Joer keng Ausnam an

What the Fakt – 74 Käerze fir de Rod Stewart!
International Kultur Neiegkeeten

What the Fakt – 74 Käerze fir de Rod Stewart!

Haut kann een dem britesche Rock- a Pop-Museker gratuléieren. De

Naturpark Südeifel: dem Paschtouer säi Gaart am Gaisbachdall

Wien sech gären an der Natur ophält, trëppele geet an dobäi nach flott Aventuren erliewe wëll, deen sollt onbedéngt emol beim Felsenweiher zu Ernzen an der Südeifel laanscht kucken! An engem idylleschen Eck huet hei am 19 Joerhonnert ee Paschtouer een attraktiven Unzéihungspunkt erschaf, deen och nach haut ee gewëssene romantesche Charme besëtzt.

Knapp hannert der däitsch-lëtzebuergescher Grenz, no un der Teufelsschlucht an den Irreler Waasserfäll fënnt een de Felsenweiher. Ofgeschott vum hektesche Liewen, an awer no un der Zivilisatioun kann een tëscht de faszinéierenden duerchlächerte Fielsen an der Rou vum Bësch dem Paschtouer Philipp Meyer säi klengt Meeschterwierk an der Natur entdecken.

Nodeems hien zoufälleg op d’Grouft getraff ass koum him déi bemierkenswäert Iddi, hei ee Weier fir d’Zuucht vu Kaarpen ze erstellen an esou der Aarmut vun der Bevëlkerung entgéint ze wierken. D’Aarbechter aus dem Duerf Ernzen si fir den Ausbau nämlech gutt bezuelt ginn, an dat aus dem Paschtouer senger eegener Täsch. Esou sinn ënnert dem Paschtouer senger Leedung um Enn vun den 30er Joer kleng Bassinen, Terrassen, Trapen a Rondgäng tëscht de Fielsen entstanen, déi och haut nach dem Felsenweier eng pittoresk Atmosphär zougestinn.

Beim Erriichte vum Felsenweier

De Weier sollt am Endeffekt awer net rentabel genuch fir d’Bevëlkerung ginn, wouduerch et sech zur Erhuelungsplaz entwéckelt huet. Déi natierlech Elementer aus der Landschaft sinn nämlech esou harmonesch an d’Gesamtgestaltung mat abezu ginn, datt de kënschtleche Weier a perfekter Kombinatioun zur Natur steet.

Obwuel de Felsenweier nom 2. Weltkrich komplett verfale war huet d’Ernzer Bevëlkerung immens Méi ginn fir alles nees an d’Rei ze setzen, sou datt bis haut an dësem klengen idylleschen Duerf ee beléift Ausfluchszil fir Jonk an Al besteet. Iwwert déi schmuel Steeën kann een d’Grouft ganz am Detail entdecken, déi zuelräich Höhlen bestaunen an, an eng aner, roueg Welt ofdauchen.

Op de ville Bänke gëtt een agelueden, a romantescher Atmosphär einfach emol d’Rou ze genéissen a sech ze entspanen. Natierlech ass och Sëtzgeleeënheeten, déi vun de Fielsen iwwerdaacht sinn, geduecht ginn, sou datt och fir u waarme sonnegen Deeg genuch Méiglechkeeten zur Erhuelung bestinn. Mir recommandéieren dës Plaz op alle Fall fir een Ausfluch um Weekend, woubäi och Persounen, déi net esou gutt zu Fouss sinn, dës Plaz einfach erreeche kënnen. Ee Parking steet direkt op der Plaz zur Verfügung.

Ähnlech Sujeten Ernzen, Felsenweiher, Irrel, Natur, Paschtouer Philipp Meyer, Südeifel, Teufelsschlucht
Nächsten Artikel Virrechten Artikel