Sichen

Dir kéint och nach folgende gefalen

FREYA RIDINGS den 27. Januar am Atelier!
International Neiegkeeten

FREYA RIDINGS den 27. Januar am Atelier!

Fir Groussbritannien ass dës Sängerin ee vun de gréissten opbléienden

Hëllef beim Kaf vun engem propperen Auto
International Neiegkeeten

Hëllef beim Kaf vun engem propperen Auto

Fir méiglechst séier d‘Dispositioune vum Koalitiounsaccord, am Bezuch op d‘Dekarbonisatioun

Impeachment: Déi „orange“ Säit schléit zréck
International Neiegkeeten

Impeachment: Déi „orange“ Säit schléit zréck

An engem Schreiwes dat haut vum Wäissen Haus publizéiert ginn

Nees Migranten an engem Camion entdeckt

Nees Migranten an engem Camion entdeckt

Ass et eng Serie oder gëtt „besser“ kontrolléiert? An de leschte Wochen hunn d‘Autoritéite vill Migranten/Flüchtlingen aus Camione geholl. Esou och gëschter a Griicheland wou, d‘Polizisten e Killcamion ugehalen hunn deen iwwer 40 Leit an sengem Unhänger transportéiert huet.

Et war eng Routinekontroll déi vun der griichescher Police bei der Stad Xanthi op der Autobunn duerchgefouert gouf. Si haten hei e Camion mat engem Killunhänger gestoppt a wéi d‘Beamten d‘Fracht iwwerpréiwe wollten si 41 Persounen aus dem Unhänger geklotert. Laut der Police stamen déi meescht aus Afghanistan, eng Persoun soll aus dem Iran, eng aner aus Syrien kommen.

De Migranten/Flüchtlinge géif et esouwäit gutt goen, mee aacht Persounen déi sech iwwer Optemnout beklot hunn, sinn an e Spidol iwwerstallt ginn. De Chauffer vum Camion, e Mann aus Georgien, gëtt verdächtegt d‘Leit „geschleist“ ze hunn a gouf verhaft. D‘Enquête ass ugelaf, mee d‘Autoritéite ginn dovunner aus, datt de Camion illegal aus der Tierkei agereest ass.

An d‘Grenz tëscht der Tierkei a Griicheland schéngt duerchlässeg ze sinn. Ëmmer nees hëlt déi griichesch Police Passeure fest, déi mat Minibusser oder klenge Camione Migrante vum Grenzfloss Evros an d‘EU erabréngen. Net ëmmer geet esou en Transport glécklech op Enn, wéi et ee rezent Beispill a Groussbritannien gewisen huet. Hei hat d‘Police 39 Läichen aus dem Camion gebuergen.

mat indymedia/ath

Ähnlech Sujeten Camionsunhänger, Flüchtlingen, Griicheland, Kontroll, Migranten, Police
Nächsten Artikel Virrechten Artikel