Sichen

Dir kéint och nach folgende gefalen

Belsch Schüler engagéiere sech konsequent fir de Klima
International Money dating vs relationship meaning

https://moien.lu/10-signs-youre-dating-a-loser/

Si ware uechtert Belsch verdeelt zu hirer 30.000, dovunner eleng

money
Rout Kräiz: 750 Gefierer am Leasing
International Money dating vs relationship meaning

Rout Kräiz: 750 Gefierer am Leasing

Den Déngscht vun der Hëllef an de Soine vum roude

Idles um Siren’s Call 2019
International Money dating vs relationship meaning

Idles um Siren’s Call 2019

Den 29. Juni 2019 fënnt déi 3. Editioun vum Siren’s

money

US-President veriergert iwwer nei chinesesch Douanestaxen

Donald Trump befeelt US-Entreprise Alternativen zu China ze fannen a beleidegt Zentralbankchef

US-President veriergert iwwer nei chinesesch Douanestaxen

Haut geet zu Biarritz de G7-Sommet un de Start a wéi virun alle Sommet, suergt den US-President mat enger Rei Tweets an onméiglechen Aussoe fir gutt Laun. Esou huet den Donald Trump d‘US-Entreprisen dozou opgeruff China ze verloossen an direkt no enger Alternativ ze sichen…

Douanestaxen

Den US-President verlaangt net méi an net manner, wéi datt amerikanesch Entreprisen hir Produiten an den USA hierstellen. Et géif elo duer goen, datt d‘Chinesen den Amerikaner hiert Geld klauen. En „Opruff“ deen eppes vun engem „Uerder“ huet an d‘Wirtschaftsverbänn genéidegt huet, sech de presidentielle Wënsch a Fuerderungen unzehuelen. Si sinn dann och net wierklech begeeschtert.

Säitens dem Verband vum Eenzelhandel, der „National Retail Federation“, heescht et, datt dem US-President seng Fuerderung „onrealistesch“ ass. De Spriecher vum Verband huet dann och drop verwisen, datt 95% vun de Konsumenten am Ausland liewen an d‘Präsenz vun US-Entreprisen a China net vu Muttwëll ass. Et erlaabt, nieft China, och aner Mäert an Iwwerséi ze erschléissen.

Peking hat de Ball un d‘rulle bruecht

Elo kéint een dem Donald Trump gutt halen, datt déi nei Phas vum chinesesch-amerikaneschen Handelskrich vu Peking ausgeléist ginn ass. Mee wéi esou oft, de Sujet ass wäit méi komplex, wéi de Milliardär et mat engem Tweet duerzestelle versicht. Esou spillen nieft wirtschaftspoliteschen Elementer och nach aner Faiten eng Roll. Esou d‘Amëschung an d‘Kris vun Hong Kong

DouanestaxenUm Freideg jiddefalls haten d‘Chinesen ugekënnegt, datt et nei Douanestaxen op d‘Importer aus den USA wäert ginn. Betraff si Wueren am Wäert vu 75 Milliarden US-Dollar: esou de Pëtrol, Soja a Fleesch. Eng Annonce déi den Handelskrich tëscht béiden Natiounen op en neien Niveau hieft.

Fir de Chef vun der US-Zentralbank (Fed), Jérôme Powell, fänkt dësen Handelskrich un zu engem ëmmer gréissere Problem ze ginn. Am Kader vun enger Konferenz, un där Bänker an Ökonomen deel geholl hunn, huet de Jérôme Powell zum Ausdrock bruecht, datt d‘Handelspolitik vum Donald Trump fir eng „Onsécherheet“ suergt, déi fir d‘Zentralbank zur neier Erausfuerderung ginn ass.

Schold sinn ëmmer déi aner

An eigentlech hat sech d‘Wirtschaftswelt wéi den US-President erwaart, datt de Jérôme Powell sech zu enger méiglecher Baisse vun den Zënse géif äusseren. Enn Juli hat d‘US-Zentralbank de Leetzëns ëm 0,25% erofgesat. Et war déi éischt Baisse zanter der Finanzkris an am September sollt eng weider Baisse erfollegen. Och dat ee „Wonsch“ vum Locataire aus dem Wäissen Haus.

DouanestaxenOp Twitter gëtt de Chef vun der Fed dann och entspriechend den Dicks gebéit. Esou freet sech den Donald Trump, ob net méiglecherweis de Jérôme Powell déi gréisser Bedreeung fir d‘USA ass. Fir de globalen Handel ass dat ganzt natierlech Gëft an eng Weltwirtschaftskris ass net auszeschléissen.

Natierlech huet den Donald Trump och Moossnamen ugekënnegt. An der Nuecht gouf entscheet, datt ab dem 1. Oktober déi bis ewell agefouert Douanestaxen nach emol ëm 5% ugehuewe ginn. Vun dëser Mesure sinn och déi nach ausstoend Gidder am Wäert vun 300 Milliarden US-Dollar betraff, an insgesamt sollen d‘Douanestaxen op e Wuerewäert vu 550 Milliarden erhuewe ginn.

mat indymedia/was/nyc

Foto: © White House

Ähnlech Sujeten China, Douanestaxen, G7 Sommet Biarritz, Handelskrich, USA, Weltwiertschaftskris
Nächsten Artikel Virrechten Artikel